لسنوات طويلة قدم تميم يونس العديد من الأفكار المبتكرة على مستوى الإعلانات أو الأغانى التى قدمها وبرنامج رسينى الساخر الذى كان يطرح من خلاله العديد من الأفكار الكوميدية والمختلفة.
ذاع صيت تميم يونس منذ أغنية "انتى أى كلام" والتى قدمها يونس مثل ما باقى ما يقدمه من باب الهزار والضحك دون البحث عن مضمون عميق أو غيرها من الرسائل، حيث لا يحب أن يحمل العمل الفنى بما لا يستطيع تحمله.
آخر ما قدمه تميم هو أغنية "سالمونيلا" والتى قدمها يونس من باب الهزار والضحك أيضا وهو ما تقبله البعض ورفضه الآخر وهو أمر طبيعى.
وتقول كلمات أغنية سالمونيلا
انا شفتك مرة ف حته فى يوم وطلبتى لاتيه
فهروحلك نفس الحته لحد ما اقابلك فيه
ومش همشى انا قبل ما اخد رقمك ف ماتكسفنيش
وان قولتلى لا يلعن ابو شكلك بكره يقابلك حد يقولك
لا تلق طعامتك تيجى ف كرامتك تبقى
ويجيلك Salmonella سالمونيلا
وتصحى فشله و تجرى ورايا ماتلحقنيش
عشان تبقى تقولى لا.. عشان تبقى تقولى لا
لو قولتيلى حاجة غير لا
ده انا اجيبلك شبكة وشقة دورين حمام بتكيف
واعملك بيتزا ف بيتنا بجبنة تشد بعيد
بتمنى اقوم من النوم جمبك ع قد ما اعيش
وعسيلى يغنى ف فرحنا والكل يهيص
اه يا عينى يا ليل يا عينى و طلبتى لاتيه
ليه تقولى لا يا بيبى تقولى لا ليه
اه يا عينى يا ليل يا عينى وطلبتى لاتيه
ليه تقولى لا يا بيبى تقولى لا ليه
وارسمك كده فى الخباثة ما انا اصلا فنون جميلة
واشتركلنا مع صحابى اللى فى نادى الجزيرة
يمكن اضايقك علشان اصالحك بس واروح واجبلك ورد
قبل ما نبتدى خدى جاكيتتى عشان السينما برد
بس لو هتقولى لا
البيتزا.. هقطعها.. هحدفها.. على عسيلي
بيتزايتى.. وانتى مالك
وبكعبل خدى بالك والجاكيته
ههربدها والرسمه هفرتكها
ارفضينى بقرارك انا عادى كده كده
بس هجرى اقول لكل شاب انك بنت مسكبه
بلا فرح بلا شقة عشان تبقى تقولى لا
هوبا عادى نسيتك فجأه
عنيكى طلعت لينسيز زرقة
معايا شنجن وانتى لا
عشان تبقى تقولى لا.. عشان تبقى تقولى لا