كشفت الفنانة أميرة فتحى، عن تعرضها للتحرش، ولكنها أثارت الجدل بشكل كبير، بعد توضيحها أن ظاهرة التحرش التى تعرضت لها كانت من قِبَل النساء وليس الرجال فقط، من خلال تعليقاتهن المسيئة على صورتها الأخيرة التى نشرتها على حساباتها الشخصية بمواقع التواصل الاجتماعى.
وعلقت الفنانة أميرة فتحى، من خلال منشور عبر حسابها الشخصى بموقع التواصل الاجتماعى "فيس بوك"، قائلة: "مكنتش عايزة أتكلم فى موضوع التحرش بس اللى عايزة أقوله إن التحرش بالألفاظ ميقلش عن التحرش الجسدى، أنا من أيام تقريبًا اتصورت مع صديقى وفى نفس الوقت هو مدربى الخاص اللى معايا فى الجيم، وكانت صورة عادية جدا، وكان فيه جزء من جسمى بان من التيشرت غصب عنى حاجة مقصدهاش".
وتابعت: "اللى عايزة أقوله إنى اكتشفت إن اللى اتحرشوا بيا لفظيًّا هما البنات والستات للأسف، وده شفته على جروب خاص بالستات وأنا فى الجروب ده لكن عمرى ما اتفاعلت معاه وحد من أصدقائى هو اللى قالى لأنه بيشتغل فى مباحث الإنترنت وسألنى لو عايزة أقدم بلاغ فى الجروب قلتله لأ واكتفيت إنه مسح الصورة وللأسف إن أدمن الجروب من الأصدقاء اللى عندى هنا يعنى زى ما فى رجالة متحرشين فى ستات متحرشين وأنا شايفة إن دول أصعب.. ودى وجهة نظرى".
