استجاب النجم الكبير تامر حسنى، لـ بيريهان عادل، معجبة تمنت مقابلته، وتم إعداد اللقاء بينهما عن طريق المقربين منها دون أن تعلم هى، وقد تعرضت بيريهان لحادث أليم نتج عنه وفاة والدتها، وتسبب فى فقدانها للذاكرة لفترة وشلل تام وكان حبها وتأثرها بنجمها تامرحسني بمثابة الداعم الأكبر لشفائها.
وكتب تامر حسنى، عبر حسابه على إنستجرام، قائلا:" يا بيرهان أنا اللي فخور بيكي و فرحان بيكي أكتر من أي حاجه و كلامك شرف كبير ليا و فرحه كبيره لقلبي إني اكون داعم بعد ربنا لشفائك و دي حاجه كبيره جداً بالنسبالي أنا فرحان إني شوفتك و سمعت قصتك أكتر ما انتي فرحانه بمقابلتي و بكتييييير كمان والله ".
وتابع، "يارب أشوفك بكامل الشفاء قريب جداً و بدعوات كل اللي شافوا قصتك رغم صعوبتها و صعوبة الحادث الأليم اللي اتعرضتي له و نتج عنه وفاة والدتك الله يرحمها و فقدان ذاكره لفتره و شلل مفقود الأمل في شفائه ، و كل الصعوبات اللي مريتي بيها في رحلة علاجك ، بشكرك لإرادتك العظيمة للعودة مره تانيه لحياتك الطبيعية ، إنتي درس كبير يتعلم منه كل انسان فاقد الأمل في شيء بشكر قرايبك و أخواتك اللي رتبولك المقابله دي عشان فعلاً هما نِعمَ السند و الضهر ربنا يحفظك و يشفيكي و يشفي كل مريض ".