نشر أمير صلاح الدين عبر صفحته على موقع التواصل الاجتماعى "فيسبوك" قائلا :"حوار من مسلسل ريح المدام.. اللى كنت لسه باشكر فيه إمبارح.. عارف مين بيجى يغنى هنا على طول مين..؟ التلاتة السمر دول.. بلاك طينة.. بلاك طينة.. آه.. آه عارفهم.. وطبعا ده إيفيه عنصرى أحد أهم الأساليب الرخيصة التى يتبعها الممثل لما بيحب يضحك بالعافية.. سقطة من أسرة الكتابة ومن الممثلين.. بتتكرر معايا للمرة التانية فى الدراما المصرية بعد جملة "هات أهلك البرابرة من مسلسل "نكدب لو قلنا ما بنحبش"، وهى طبعًا موجودة طول الوقت فى الاعمال الفنية.. أحب أقول للسادة الفنانيين أصحاب البشرة البيضاء.. كم أنتم بيض.. فى انتظار إجراء قانونى يا حبايبى الكوميديانات".
بينما رد المنتج طارق الجناينى معتذر عما جاء فى الحلقة، ونشرعبر صفحته الشخصية على "فيسبوك" قائلا:" اعتذار واجب: في صديق لينا زعل من إفيه موجود في الحلقة ٨ من مسلسل "ريح المدام"..في حين أننا كفريق عمل لم نقصد هذه الإهانة بأي صورة، ولكني متفهم أن حاجة زي كدة ممكن تضايقه، وهو الصراحة راجل محترم وأنا بحبه على المستوى الشخصي جدًا..بغض النظر عن قبولك للأعتذار من عدمه، الجملة دي هتتشال من العروض التانية للمسلسل إن شاء الله".
كما اعتذر الفنان اكرم حسنى عبر صفحته على موقع التواصل الاجتماعى فيسبوك قائلا :"دون أى مقدمات..الاعتراف بالحق فضيلة.. بنعترف أننا اخطأنا ودي ذلة لسان مش مقصود بيها أى إساءة لأى شخص وخاصة لو فنانين محترمين بيقدموا فن محترم وزملاء مشفناش منهم أى حاجة وحشة.. أخطاءنا اختيار الكلمات وبنعتذر عنها.. ملحوظة: ده ملوش اي علاقة بأي اجراء قانوني تحب تاخده و لكن حقك علينا الاعتذار.
