مود الأبراج المائية بتفسير ناجوليتا حافظ

المائيون أشخاص عاطفيون وحساسون وكثيرو الحب والمساعدة مما يجعل مزاجهم متقلب فى معظم الوقت.. تقدم خبيرة الأبراج ناجوليتا حافظ تفسيرًا للمود الحالى للأبراج المائية السرطان الحوت العقرب.

مود السرطان

انت حاسس بالفراغ والملل والروتين القاتل كمان، وعندك مشاعر سلبية، فحاول أن تفكر فى حاجات ومواضيع تلهيك وتخرجك من روتين الحياة، حاسس الفترة دى بطفولتك وعايز تعيشها وعندك إحساس عايز تشترى أى حاجه سواء مفيدة، أو لا من مبدأ الخروج من حاله الملل، بس المشكلة إن امكانياتك المادية مش مناسبة.

مود العقرب

مودك ماشى بصورة ممتازة، عليك بس إنك تفكر بطريقة إيجابية وفى أمور وأشياء إيجابية طول الوقت علشان تكمل مسيرة نجاحك، فالتحديات الأخيره اللى واجهتها فى حياتك أثبتت إنك إنسان قوى، لكن فى نفس الوقت من جواك إنسان قلبه هش عايز اللى يفهمه ويطبطب عليه، وفى نفس الوقت بتشعر للحنين إلى الماضى.

مود الحوت

انت قافل أوى على نفسك وعندك حالة إحباط وكئيب حبيتين من فترة طويلة وده له أسبابه، بس انت مكبرها شوية، الأسباب هى إنك عايز تختلط بصورة أكبر مع الناس والحياة الخارجية بس فى نفس الوقت عندك قلق وخوف وعدم ثقة والرغبة بإنك تعمل كدة، انت لازم تقوى نفسك وتجيب الرغبة بكامل قواك العقلية والنفسية، لازم تخرج نفسك بنفسك وتبدأ حياة جديدة.