انتهى المطرب خالد سليم، من تسجيل عدد من التوزيعات لبعض الأغانى مع الموزع الموسيقى التركى إسماعيل تونش.
وكتب خالد سليم عبر حسابه الخاص على موقع التواصل الاجتماعى إنستجرام، قصة المأساة التى عاشها فى تركيا بسبب تقلبات الجو هناك، حيث كتب قائلا: "كنت فى تركيا فى شغل.. لتوزيع بعض الأعمال الجديدة مع الموزع إسماعيل تونش بيليك.. وقررت، أروح أتغدى فى مكان والجو كان رائع.. شمس ونسمة هوا جميلة.. فجأة الجو قلب رياح.. وفى الوقت ده كنت اتحركت من المطعم واتمشيت شوية على رجلى.. بعد الرياح.. الدنيا غيمت.. وابتدت حاجات كتير تطير من قوة الرياح.. وابتدت الدنيا تنقط مطر بسيط.. تحول إلى بَرَد معقول (قطع جليد).. إلى بَرَد مش معقول.. قاتل.. حجم البَرَد كان كبير أوى وبينزل ب عنف.. وبعدها السيووووووول.. اللى جابت آخر العاصفة.. اه.. العاصفة دى ما عدتش على تركيا من ١٦٠ سنة.. شفتوا الحظ.. الحمدلله على كل شىء.. أنا وصلت القاهرة الحمدلله من يومين.. وكله فل".
