ليس هناك أغرب من الموت، فرغم أنه حقيقة حتمية لا مفر منها إلا أنه يظل مصدر خوف للجميع ليس فقط مجرد الخوف على أنفسنا منه، ولكن أيضا من خلال فقدان المقربين والعزاز، ويظل مواجهته أمر صعب، ويعتبر النجم الراحل محمود عبد العزيز صاحب فلسفة خاصة من خلال أعمال الدرامية التى تطرق فيها للحديث عن الموت والحياة من خلال رؤية فلسفية بسيطة، وبالتحديد من خلال مسلسل "أبو هيبة جبل الحلال".
ويبدو أن الساحر محمود عبد العزيز كان قد قرر أن يودع الحياة من خلال هذا العمل، ويستقبل الموت ليرحل عن عالمنا بجسده فقط بعد عامين من تقديمه، بينما يظل خالدا بتاريخ حافل من الأعمال الفنية المهمة، ونستعرض فى ذكرى رحيله الأولى فلسفته فى الحياة والموت ثلاث مشاهد له ضمن مسلسل "جبل الحلال".
أول هذه المشاهد كانت من خلال حوار مع نفسه فى الصحراء يتحدث فيها، وهى الحياة إيه الوهم اللى احنا عايشين فيه ده، مابقتش فاهم حاجة .. جبلك يا هيبة مكلهوش حلال، جبلك جواه تشكيلة متلخبطة فيها الخير والشر.. الناس اللى بتحبهم بيموتوا واللى بتكرهم عايشين خايف ياهيبة جبلك يتهد ويتهد معاه جبل الحلال.. وجبلك وهم كبير مدارى فيه الحرام كله.. عندك كتير بس بردو فقير .. خايف من أخوك وخايف من المجهول كل ده وهم، الخوف وهم".
وجاء المشهد الثانى يتحدث فيه عن الموت يطمئن أحد المقربين له قائلا ماتخافش على أبو هيبة من الموت .. اللى شاف الموت ما يخافش منه، وأنا شوفته وعرفته جاى علشان ياخد عمرى حسيت إنى طلعت لفوق، وشوفت الأرض كأنها حبة رمل ماتسويش وتحس إنك خفيف والموت حنين وعمال يطمنك وشوفت قدامى شريط حياتى بيدور.. وبعدين احنا بنخاف من الموت ليه وكلنا موتنا كذا مرة.
"وأنت شاب بيموت الطفل وأنت شايب وعجوز بيموت الشاب كلنا موتنا كذا مرة وكل مرة بنبكى لكن مافيش أغلى من الحياة أول ما تفتح عينك الصبح لازم تشكر ربنا".
وفى المشهد الثالث تحدث عن الموت فى إجابة له على سر عدم خوفه من الموت قائلا "حد يخاف من الموت اللى يخاف منه يبقى تعبان أوى، إزاى تخاف من خواف".
وأضاف "طبعا خواف لو مش خواف ما يجيش مستخبى.. هو مش خواف هو خجول لدرجة مش عايز حد يشوفه.. جربت منه وجرب منى كتير وحسيت بأنفاسه للموت أنفاس خفيفه زى النسمة ما يحسها إلا المقصود تحس بهوا نضيف داخل صدرك ملهوش مصدر، رحته جميلة بيروحك من الحته اللى انت فيها، تبقى شايف الناس والناس شيفاك لكن لا تقدر تكلمها ولا تقدر تقولهم ابعدوه .. كل اللى تقدر تعمله تصاحبه وتتطاوعه لو كل حد فينا عرف انه هيقابله مرة واحدة مكانش حد يعمل الشر ده خالص".