هنأ الفنان أحمد حلمى، الفنان الكبير حسن حسنى بمناسبة تكريمه فى مهرجان شرم الشيخ السينمائى، موجه له رسالة شكر وتقدير.
وكتب "حلمى" على صفحته الرسمية على موقع التواصل الاجتماعى "فيس بوك"، قائلا "مبروك حسن حسنى.. حسن حسنى فى ناس بتقوله يا أستاذ حسن وناس تقوله يا عم حسن وناس تقوله يا فنان وناس تقوله يا خال وناس تقوله يا بركه وناس تقوله يا حسن وناس تقوله يا متمكن وناس تقوله يا كبير..وناس تقوله معلم... حسن حسنى مشوار كبير من العطاء ما بين كوميديا وتراجيديا".
وتابع، "ساعدنا كلنا ووقف جنبا.. حسن حسنى هو بهارات أى عمل فنى يشترك فيه.. حسن حسنى هو الإيقاع فى السيمفونية الفنية.. هو الممثل اللى تعشق التمثيل معاه لأنه بيشع طاقه وحيوية.. حسن حسنى هو السهل الصعب الممتنع".
واختتم " حلمى" رسالته، قائلا: "مبروك يا أبويا تكريمك فى مهرجان شرم الشيخ السينمائى.. صحيح نسيت أقولكوا أن فى ناس بتقوله يا أبويا.. وأنا أولهم.. مبروك يا أبويا.. مبروك".
