اعرف رأى المخرج مجدى الهوارى فى زواج شيرى عادل من معز مسعود

عبر المخرج مجدى الهوارى عن استغرابه من الهجوم على الداعية معز مسعود والفنانة شيرى عادل لزواجهما.

ونشر مجدى صورة لهما عبر حسابه على موقع تبادل الصور "إنستجرام"، وكتب عليها قائلا: "يا جماعة ليه الهرى فى موضوع جواز معز مسعود وشيرى عادل"، دول اتجوزوا على سنة الله ورسوله يعنى مأذون وشهود ومهر وشبكة.. عيب بقى".

وأضاف: "وبعدين إحنا ليه بنشوف نص الكوب.. مش يمكن قصة حب، ولا هو علشان بيقول قال الله وقال الرسول مش من حقه يحب.. ولا هى علشان ممثلة تبقى حرام تتجوز".

وتابع،: "أنا شخصيا بتابعه وشايف انه راجل متوازن جدًا وغير مدعى زى غيره، وكل تصرفاته فى النور، كان ممكن يتجوزها فى السر على فكرة زى كتير منهم وعادى، كونهم أعلنوا فى حد ذاته هو احترام لينا وللرأى العام.. انا بتكلم دفاعًا عنهم بنيابة عن اهلهم اللى مش حلو يقروا اللى بيتكتب عن ولادهم ده عيب.. فنقول مبروك للعروسين وبالتوفيق وحياة سعيدة ان شاء الله".

وأعلن معز مسعود عن زواجه من شيرى عادل من خلال بيان يخص مسلسل "السهام المارقة" قال فيه إنه يستعد لتقديم جزء ثانٍ من المسلسل معلنا عن زواجهما قبل فترة.