حرصت الإعلامية مريم أمين، مقدمة حفل كأس أمم أفريقيا، على توجيه الشكر لكل من ساندها وهنأها على إدارتها وتقديمها للحفل أمس، بشكل جيد وظهور حصد على الكثير من الإشادات.
ونشرت أمين مقاطع فيديو عبر حسابها الشخصى توجه فيهما الشكر قائلة: "كان لازم اعمل الفيديو دا علشان اشكركم جدا، ميرسى جدا جدا من هنا للسنة الجاية، على كل الكلام الحلو إلى انتو قولتوه وبعتهولى، وعلى المحبة الكبيرة إلى شوفتها، ومش عارفه انا لسه داخله اوضتى دلوقتى وكان لازم اعمل الفيديو داع لشان اقولكم ميرسى على المحبة والإشادة".
وأضافت "الحمدلله انا كنت عند حسن ظن الناس إلى حطت ثقتها فيا، الكاف واتحاد الكرة، ومكنش سهل ان انا ابقى موجودة انهاردة فى ايفنت كبير زى دا، وانا بشكر ربنا علشان انا لو كنت مخططلها مكنتش هتحصل، بشكرهم علشان هما ادونى الفرصة دى".
وتابعت مقدمة الحفل قائلة "بشكر كل الناس إلى قالت فى حقى كلمة حلوة انهاردة، ويارب دائما اكون عند حسن ظنكم، انا لسه بترعب قبل ما اطلع على المسرح، وبخاف، ولسه بشيل مسئولية كل حاجة بقدمها، اليوم دا هيبقى يوم كبير فى حياتى، كلنا نكون ورا منتخبنا وان شاء الله مصر تفوز بالبطولة".
وحرص النجم حازم إمام، لاعب نادى الزمالك ومنتخب مصر السابق، على تقديم إشادته فى التعليقات على الفيديوهات التى نشرتها مقدمة الحفل، وكتب "عظيم" فى إشارة لتقديمها الجيد.
وتقام البطولة للمرة الأولى بمشاركة 24 منتخبا، كما تم نقلها إلى فصل الصيف، بدلا من إقامتها المعتادة سابقا فى مطلع العام.
