محمد محمود عبد العزيز يحتفل بعيد ميلاد والده

نشر النجم محمد محمود عبد العزيز على صفحته على موقع التواصل الاجتماعى "فيس بوك" صورة تجمعه مع والده النجم الراحل محمود عبد العزيز الذى يتزامن عيد ميلاده غدا.

 

وعلق محمد على الصورة: "بكره إن شاء الله 4 يونيو 2019 عيد ميلاد حضرتك وبعد بكره إن شاء الله عيد الفطر المبارك، كل سنه وحضرتك طيب وبخير وسعيد فى مكانك وأتمنى تكون الهدايا بتاعتى بتوصل لحضرتك ومخلياك سعيد وراضى عنى، كل سنة وحضرتك ضهرى وسندى وأمانى يا أبويا وأخويا وابنى وصاحبى، وبرضه المسافة اللى ما بينا عمرها ما هتمنعنى إنى أكون أول واحد يقول لحضرتك كل سنة وحضرتك طيب وإنى اجتمع مع حضرتك فى صورة جديدة، إلى أن نلتقى إن شاء الله (لا إله إلا الله سيدنا محمد رسول الله).

 

كل سنة وحضراتكم جميعاً طيبين وبخير انتوا وكل حبايبكم، عيد فطر مبارك إن شاء الله.

شكراً أحمد الفراش المصور الموهوب وصديقى المحترم

 

شكراً يوسف عادل صديقى وأخويا.. وعشرة العمر اللى دايما باتعبه معايا

 

اسألكم الفاتحة والدعاء لأبويا ولكل من رحلوا عنا.

 

وكان النجم محمود عبد العزيز قد رحل عن عالمنا فى الـ12 من نوفمبر عام 2016، ولكن أعماله تظل خالدة.