انفعلت الفنانة عبير صبرى على أحد متابعى حسابها على "إنستجرام" وصف زوجها بـ"المحروس" تعليقا على صورة لها نشرتها مصحوبة بهذه الكلمات: "إذا منحك الله فرصة جديدة للحياة.. فلا تكرّر أخطاءك القديمة"، ليعلق المتابع: "والله إنتى اللى شاطرة، واستغليتى الفرصة كويس، وما عملتيش زى الباقيين اللى اتدلعوا.. واشتغلوا وما أخدوش واحد خليجى مرحرح، زى جوزك المحروس وأكيد دى فرصة ما فيهاش كلام".
وردت عبير صبرى على المتابع ردًا عنيفًا وقالت له: يا أستاذ أنا زوجى مش خليجى مع إنه يشرفنى طبعًا، لكن زوجى فلسطينى ويبدو إنك فاهم الجواز غلط، على إنه مصلحة، يمكن حضرتك ده اللى بتطبقه على نفسك.. وكمان لما تتكلم عن زوجى متقولش المحروس، تحترم نفسك وأنت بتتكلم".
عبير صبرى
يذكر أن الفنانة عبير صبرى احتفلت بعيد زواجها الأول من المحامى أيمن البياع بدبى فى أبريل الماضى، وروت لـ"اليوم السابع" كواليس قصة حبهما فى تصريخات لـ"اليوم السابع"، وقالت: "أيمن دعانى للمشاركة فى بعض المبادرات الخيرية التى ينظمها وتحمست للفكرة وبدأ يكون فيه (لينك) ما بينا، وفى مرة عاكسنى فحبيته واتجوزنا".