عبر الفنان عزوز عادل عن افتقاده الشديد لوالدته وحبه لها تزامنا مع الذكرى الثامنة لوفاتها، حيث نشر صورة لوالدته عبر حسابة الرسمى على "إنستجرام" علق عليها: "زى النهاردة من ٨ سنين سمعت اخر صوت لفاتنتى وآخر حضن لامى راحت كل حاجه حلوه مع اخر نفس ليها...لما كانت بتبص لى كنت بحس بالراحة وفى حضنها بحس بالامان.. لما بكون مضايق أو مخنوق والدنيا جايه عليا كانت تقعد تتكلم معايا واسرح فى كلمها اللى لِسَّه جوايا" هى اخر فرحه بجد..اخر حب حد حبهونى من قلبه ماتت فاتنتى الست الجدعه اللى بميت راجل بعد لما ابويا مات اصرت انها تربينا لوحدها شافت ايام صعبه كتير وقسوه لحد ماوقفتنا على رجلينا وسابتنا لوحدنا ومشيت علشان متبقاش تقيله علينا..
وأضاف: "بعد الحادثة قعدت 53 يوم فى المستشفى الست العظيمه.. اتعلمت فيهم اللى عمرى ماتعلمته فى حياتى.. ما اصعب انك تشوف كيانك قدام عينك مهزوم وانت مش قادر تعمل حاجه..كانت اخر جمله ليها"روحو ياولادى اللهى ربنا يكرمكم "عمرى مقدر أنساها ولحد اخر يوم مش عاوزه تاكل الا لما نأكل احنا الاول حتى فى لحظتها الاخيرة..دعواتك دايماً معانا ماشين بيها.. من ٨ سنين كنت إنسان تانى يمكن دلوقتى أكون احسن وقادر على مواجهه الحياه لكن من غير ما أكون مبسوط..وحشنى حضنك،صوتك،نظره عنيكى،جدعنتك كل تفاصيلك فى الحياه يا فاتن يافاتنتى اشتاق اليكى وعلى موعد قريب وعلى وعدى ليكى ربنا يرحمك يا حبيبتى".
يذكر أن عزوز عادل شارك فى رمضان الماضى من خلال 3 مسلسلات هى: مسلسل لمس أكتاف بطولة ياسر جلال، مسلسل قمر هادى بطولة هانى سلامة، مسلسل فكرة بمليون جنيه بطولة على ربيع.
.jpeg "بوست (1)")
.jpeg "بوست (2)")