مازال الجميع يدلى بدلوه فى أزمة لاعب منتخب مصر عمرو وردة الذى أثار الجدل بعد أن وجهت له اتهامات بالتحرش بفتيات عبر مواقع التواصل الاجتماعى، وتنوعت الآراء بين فريقين أحدهما يدافع عن اللاعب ويطالب بمنحه فرصة جديدة، وآخر هاجمه وطالب بمعاقبته باستبعاده من معسكر المنتخب حتى يكون عبرة لغيره، ولم تتوقف التعليقات على رواد مواقع التواصل الاجتماعى فقط، بل للمشاهير والفنانين أيضا أبرزهم الفنان أحمد السقا والنجمة رانيا يوسف وآخرون، نرصها فى السطور التالية..
أحمد السقا
دافع النجم أحمد السقا عن لاعب المنتخب المصرى عمرو وردة فى أزمته الأخيرة التى يمر بها، بعد استبعاده من معسكر المنتخب عقب الاتهامات الأخلاقية التى وجهت له.
وأكد السقا فى أحد البرامج، أن وردة شاب صغير ووارد أن يخطئ، قائلاً: "كل ابن أدم خطاء والمسامح كريم.. أنا اللى زعلنى فى الموضوع ده حاجة واحدة بس هى فض الستر، فقط لا غير".
وتابع السقا أن "عمرو وردة شاب صغير فى بداية حياته ومن الوارد أن يخطئ، لكن الله غفور رحيم فى الوقت ذاته، على حد قوله، مضيفًا: "سمعت أنهم ادولوا عقوبة ماتش واحد وهيرجع يلعب.. اعتقد إنه هيعمل أحسن ماتش لعبه فى حياته لو ده حصل.. أتمنى أنه يلعب الماتش الجاى ده. هيبقى أحسن ماتش لعبه فى حياته اللى فاتت واللى جاية".
رانيا يوسف
علّقت الفنانة رانيا يوسف على الأزمة الأخيرة التى يمر بها عمرو وردة لاعب منتخب مصر، بعد استبعاده من معسكر المنتخب عقب الاتهامات الأخلاقية التى وجهت له، نشرت رانيا صورة لها عبر حسابها الرسمى على فيس بوك، مرتدية خلالها الفستان الذى أثار جدلًا كبيرًا ضدها خلال مهرجان القاهرة السينمائى فى دورته الماضية.
وكتبت رانيا على الصورة: "سؤال للسادة المحامين، فستانى خدش الحياء العام ودعى للرذيلة وعمل فعل فاضح فى الطريق العام وبلاغ تلات صفحات للنائب العام،لكن التحرش لا، ليه الكيل بمكيالين؟".
وتابعت فى منشور آخر، بعد الانتقادات التى وجهت لها بسبب رأيها فى أزمة اللاعب، كاتبة: "أنا مش مع حد ضد حد.. أنا عندى بنات عاوزة ابقى مطمنة عليهم وهما ماشيين فى شوارع بلدى".
أمير طعيمة
نشر الشاعر الغنائى أمير طعيمة، عبر حسابه الشخصى بموقع "فيس بوك" تدوينة دافع فبها عن اللاعب عمرو وردة، كتب فيها: "جهاز المنتخب أدرى بمصلحة المنتخب والقرار هيختلف عليه الناس، بس اللى أنا متأكد منه إن اللى أحقر من الفعل نفسه هو رد فعل البنات، واحدة بدأت الموضوع بنشر تعليقه عشان تاخد اللقطة وحشرت معاه ناس معملوش حاجة أصلاً عشان الترافيك يزيد، يقوم الباقيين يفتكروا دلوقتى إن مشاعرهم اتجرحت وينزلوا بمستنداتهم هم كمان اللى الله اعلم إيه فيها صحيح وإيه مضروب عشان ياخدوا اللقطة معاها.. يا جماعة لو كل واحد فينا اجتمعت كل ذنوبه مع بعض واترمت على الناس بالشكل ده محدش فينا هيقدر يبص فى وش التاني، ربنا ساترها معانا فنستر على عبيده، استبعاده من معسكر بلده بالشكل ده هيأثر على حياته الشخصية والمهنية، لو ده مش مكفيكم كملوا دبح فيه وهو مدبوح، اللهم استرنا فوق الأرض وتحت الأرض ويوم العرض عليك".
جميلة عوض
يبدو أن جميلة عوض اتخذت موقفا مضادا للاعب عمرو وردة ونشرت عبر حسابها الشخصى بموقع "تويتر" تغريدة قالت فيها: "مستقبل البنت والأذى النفسى اللى تعرضت له والتنمر الجماعى عليها لما حاولت تاخد حقها؟".
هيدى كريم
نشرت الفنانة هيدى كريم، عبر حسابها الشخصى بموقع "إنستجرام" صورة لـ عمرو وردة، لتعلق بها على الأزمة، وكتبت: "وردة بيلعب بقاله فترة طويلة فى اليونان يعنى أوروبا.. يعنى بنات على قفا مين يشيل ومفيش مشاكل فى الصحوبية وحاجات تانيه كتير، ثقافتهم بتسمح لهم بكده تفتكروا إنه هيستنى ييجى مصر علشان يعاكس؟؟..كلمة تحرش دى كبيرة أوي.. لما نستخدمها نستخدمها فى مكانها لازم تكون بالإكراه وبدون إرادة الطرف الآخر وده محصلش طبعاً، رأيى الشخصى أنه اتظلم ظلم كبير واللى حصل فيه كان شر كبير مقصود! وأى شاب فى الدنيا مكانه كان ممكن يعمل كده".
وتابعت هيدى: "كل الشباب عارفين كده.. غِلط أيوة طبعا غلط لكن غلطه الأكبر أنه مقدرش قيمته وأهميته كلعيب مهم واتصرف كشاب عادى وكلنا بنغلط.. أنا بدعم عمرو وردة وبقوله اللى جاى أحلى".
عمرو محمود ياسين
كتب الفنان والسيناريست عمرو محمود ياسين عبر حسابه الشخصى بموقع "فيس بوك" تدوينة، قبل عودة عمرو وردة للمنتخب، كتب فيها: "لاعبو المنتخب المصرى بيحاولوا يقنعوا الاتحاد المصرى بإعطاء وردة فرصة أخرى، أتمنى العفو عن وردة وأكيد ده كان درس قاسى له، اعفوا عن وردة"!