زار الفنان أحمد فهمى مصابى حادث المعهد القومى للأورام، وناشد فهمى جمهوره ومتابعيه عبر صفحته الشخصية على موقع التواصل الاجتماعى إنستجرام ضرورة تقديم الدعم والمساندة لمصابى الحادث.
ونشر فهمى صورة مع أحد الأطفال المصابين، وكتب تعليقا قائلاً: "آسف مبدئيا على الصورة... بس أنا النهاردة كنت فى القصر العينى بزور بعض ضحايا الانفجار، بشكر كل الناس اللى اتبرعت لمعهد الأورام، بداية من محمد صلاح لحد أصغر واحد اتبرع".
وأضاف قائلا، لكن فى حاجة كمان حابب أوضحها فى ناس تانية كمان محتاجة مساعدة من ضحايا الانفجار غير المصابين بالسرطان زى الحالة اللى فى الصورة الولد ده محتاج دكتور مخ وأعصاب ومحتاج دكتور عيون؛ لأنه فقد "عين" بس ممكن تتلحق غير الحروق اللى أصيب بيها وللأسف مفيش إمكانيات لازم ناخد بالنا إن فى ناس تانية اتأذت ومحتاجة مساعدة.
وتابع: "لو كل واحد فينا أتبنى حالة من ضحايا الانفجار سواء من المصابين بالسرطان أو زى الطفل ده أو حتى كل مجموعة تتبنى حالة هنساعد ناس بجد محتاجة، الموضوع كبير يا جماعة ولازم نتحرك وكل واحد باللى يقدر عليه".
كان حادث إرهابى قد وقع أمام معهد الأورام بعد انفجار سيارة ملاكى محملة بالمتفجرات، كانت تسير فى عكس الاتجاه، أمام المعهد، وأدى الحادث إلى 20 حالة وفاة و47 مصابا.