نشرت الفنانة ليلى علوى صورة تجمعها بوالدتها ووجهت رسالة مؤثرة لأمها الراحلة بمناسبة ذكرى رحيلها اليوم الأحد، قائلة: "ناس بتقول إن الأيام بتتحسب بالفرحة والعمر بيتقاس باللحظات الحلوة والإنجازات المهمة، وناس تانية بتقول العمر بيتقاس بالقرب والونس ولمة الناس اللى بتحبهم حواليك، بس أنا من يوم ما مشيتى لا عارفة افرح ولا احس بالإنجاز".
وأضافت ليلى علوى من خلال حسابها على إنستجرام: أنها صحيح ربنا أنعم عليا بحب وقرب ناس كتير بيحبونى وبحبهم إنما مكانك لسة فاضى يا أمى وهيفضل فاضى ماحدش هايقدر يملاه وهفضل ادعيلك بالرحمة والراحة وعارفة إن دعايا بيوصلك وبتحسى بيا ادعوا لأمى وأمهاتنا جميعًا.
يذكر أنه كان الوضع الصحى لوالدة ليلى علوى تدهور بشكل كبير بسبب معاناتها من ضعف فى عضلة القلب، وهو ما أدى إلى تدهور فى بعض وظائف الجسم، ودفعها لدخول غرفة العناية المركزة، حتى وفاتها.
