حرص الفنان أحمد فهمى على طمأنة جمهوره على الحالة الصحية لزوجته الفنان هنا الزاهد، التى نُقلت إلى أحد المستشفيات فى سنغافورة أثناء تواجدهما لقضاء شهر العسل.
ونشر فهمى منشورا عبر حسابه الشخصى يوضح فيه الحالة الصحية قائلاً: "شكرا لكل الناس اللى بتسأل على هنا ومعلش مش عارف أرد على كل الناس لأنى كنت محتاس لوحدى .. الموضوع اننا فى المستشفى هنا فى سنغافورة و هنقعد ثلاث أيام تحت الملاحظة و لو محصلش تحسن هيبقى فى جراحه، الموضوع بايخ ومفاجئ بس بشكر د اشرف زكى فعلا، والدكاترة المصريين د اشرف ابو الهوا و د احمد نجم اللى متابعين من مصر الحالة مع الدكاترة هنا، وبشكر معالى السفير محمد ابو الخير اللى واقف معانا جامد هو والمصريين فى السفارة، وعلى رأسهم ا محمد زغلول وطبعا ا ضياء محمد كامل اللى واقف جنبى جامد من مصر، ان شاء الله خير".
وسرعان ما حرص جمهور الثنائى على تقديم الدعم والدعاء للفنانة هنا الزاهد فى أزمتها الصحية وشفائها فى القريب العاجل.
وكان حفل زفاف الفنانة هنا الزاهد وأحمد فهمى قد أقيم مؤخرًا، فى أحد الفنادق الكبرى بالقاهرة، وحضره عدد كبير من النجوم والإعلاميين، منهم "أحمد عز وكريم عبد العزيز وإسعاد يونس ومنى الشاذلى وعمرو يوسف وكندة علوش، وأشرف عبد الباقى، وهشام ماجد، ولبلبة، وعلاء مرسى، والناقد طارق الشناوى، وعمرو الليثى، وإسلام جمال، وخالد عليش، وحارس الأهلى السابق أمير عبد الحميد، وكريم عفيفى".
