أنا اللى لما يضيق بى الحال
أقوم أضحك.. أقوم ألعب
وأقول يا ريتنا كنا فضلنا عيال
أنا الدايس على جرحه
وأنا المحسود على فرحه
وأنا المجنون غريب الأحوال
أنا اللى مش قادر على قلبه
وبيلوم عاللى عاش قبله
ليه ما زرعش بعض آمال؟
أنا مين النهاردة مش عارف
خايفين منى وأنا الخايف
يلغونى من جواب وسؤال
أنا اللى لما يضيع أملى
بخاف عاللى جاى بعدى
لحالهم يبقى نفس الحال
أنا اللى لما يضيق بى الحال
أقوم أضحك.. أقوم ألعب
وأقول يا ريتنا كنا فضلنا عيال