روى النجم محمد إمام، عن موقف حدث له مع جاره، وعن رد فعله بعدما طلب منه جاره طلبا طريفا، عبر حسابه على إنستجرام.
وكتب إمام، قائلا: "امبارح وانا مروح قابلت جارنا راجل لطيف جداً و كان شايل طفل عمره سنتين تقريباً علاقتي بجاري عبارة عن سلامات بس في الطالعة و النازلة .. المهم قلت ابقى لطيف المرة دى معاه ليقولوا عليا تنك".
وتابع، محمد إمام، حديثه، قولت له اخبار حضرتك ايه .. قالي الحمدلله .. قولتله مين الولد الامور ده .. قالي ده عريس خديجة .. انا فجأة لقيت الدنيا ضلمت في وشي و دوخت و مش عارف اخد نفسي .. و مش فاكر انا رديت عليه ولا ايه اللي حصل ساعتها .. كل اللي فاكره ان انا اول مادخلت البيت قررت اني مش هسلم على الجيران تاني ربنا يستر على الواحد من اللي هيشوفه ، الصورة ملهاش علاقة بالموقف ، بس تقريباً ده كان تعبير وشي لما الراجل قالي كده ".
وعلى الجانب الآخر، انتهى النجم محمد عادل إمام من تصوير فيلم "لص بغداد" الذى ينافس به فى شهر يناير المقبل ويشارك فى بطولته عدد من النجوم منهم ياسمين رئيس وأمينة خليل وفتحى عبدالوهاب وأحمد العوضى وإخراج أحمد خالد موسى وإنتاج سينرجى فيلمز.
فيلم "لص بغداد" بطولة محمد إمام، وفتحى عبد الوهاب، وياسمين رئيس، وأمينة خليل، ومحمد عبد الرحمن، وصلاح عبد الله، وأحمد رزق الذى يظهر كضيف شرف فى الأحداث، وتدور أحداثه فى إطار أكشن يتخلله العديد من المواقف الكوميدية.
إمام
محمد إمام