ويتبدل الناس
وتتغير معادنهم
وتتشيطن دواخلهم
وأنا واقف على المبدأ
هدور على الصادق وعلى الأصدق
هعيش وسطهم لكنى مش منهم
هعيش فى عزلتى راضى
هتونس ولو كانت الجدران كل أحبابى
ما هو حلوهم لنفسهم ويورونى أنا شينهم
ناس غريبة وغريب قوى حالهم
بيِّشكو.. ويلموا الزمان
وهما اللى خدوا ما أدوا
وهما اللى ملوا القلوب أحزان
وعلى الجراح شدوا
وهما اللى بيلموا علينا ويعلموا ما بدالهم
ولو يحتاجوا شيء منك
تلقى صفوف واقفه قدامك
بتشَّكر فى كرمك وبتشكر فى أخلاقك
وإن احتجت عطفهم يوم
ما تلقى غير نكران وقلب ظلوم
ما هو حب النفس بقى دينهم
ويتبدل الناس
وتتغير معادنهم
وتتشيطن دواخلهم
وأنا واقف على المبدأ
هدور على الصادق وعلى الأصدق
هعيش وسطهم لكنى مش منهم
هعيش فى عزلتى راضى
هتونس ولو كانت الجدران كل أحبابى
ماهو حلوهم لنفسهم ويورونى أنا شينهم
لا هعتب على حد ولا هحزن
ماهو البعد عن الشرور أحسن
ولو طلبونى.. برضو هيلقونى
لكن أنا اتعلمت خلاص أعيش وحدى
أتعلمت أعيش عادى والله الغنى عنهم