نجمة اليوم فى برة الملعب هى هدير عوض نجمة الكرة الطائرة فى نادى سبورتنج، وتعد أبرز نجمات اللعبة على مدار عدة سنوات، لما شاركت فيه من بطولات عديدة على المستوى المحلى، فهى أيضا تتألق من حيث الشياكة والأناقة خارج صالات المنافسات، ويرصد اليوم السابع الجانب الآخر فى حياتها الشخصية خارج الصالات، من حيث الهوايات المفضلة والأغانى التى تحب سماعها وهوايتها فى الحوار التالى:
ما هوايتك المفضلة بعيدا عن الرياضة ؟
الرقص بحبه قوى .. وكمان هو هواية مفيدة للجسم و الرشاقة.
الباستا .. بصراحة بعملها حلو قوى وكل الناس بتقولى إنى شاطرة فيها.
من نجمك المفضل؟
محمد هنيدى.. بحب كل أعماله من أفلام ومسلسلات وغير إنها دمها خفيف هى هادفة كمان.
من مطربك المفضل ؟
محمد حماقى .. أغانيه كلها حلوة.
لو لم تكونين لاعبة كنتى تتمنى تكونى إيه ؟
كنت أتمنى أكون مدربة زومبا.
لما تتعاكسى فى الشارع .. ممكن تستخدمى العنف أم لا ؟
بستخدم دايما التجاهل فى المعاكسات وبعمل نفسى مش واخدة بالى خالص.
مين من نجمات السينما كنتى تتمنى تكونى مثلها ؟
ياسمين عبد العزيز .. جميلة ودمها خفيف.
بتحبى الملابس الكاجوال ولا الفورمال ؟
بحب ملابس الكاجوال طبعا مريحة بالنسبالى وكمان بحكم التدريبات وممارسة الرياضة.
