شارك النجم تامر حسنى فى توعية جمهوره عن كيفية حماية الآخرين من الإصابة بفيروس كورونا، وذلك من خلال حسابه على موقع إنستجرام، حيث نشر حسنى فيديو لعدد من أعواد الكبريت التى كلما اشتغل واحد أشعل الذى يليه، إلى أن قام أحد هذه الأعواد بالابتعاد عن الأعواد المشتعلة فقام بحماية نفسه وحماية من بعده، وعلق تامر حسنى على ذلك الفيديو، حيث كتب: "حمياتك لنفسك أفضل طريقة لإنقاذ الآخرين".
وكان تامر سبق ووجه مجموعة من النصائح لجمهوره ومتابعيه، كنوع من الوقاية من فيروس كورونا، وتجنبا للإصابات، حيث طالب حسنى بعدم استغلال فترة تعليق الدراسة لمدة أسبوعين فى الخروجات والفسح فى الأماكن العامة.
وقال تامر عبر فيس بوك: "أخدنا أجازات عشان نحافظ على بعض ونُحصر المرض ومينتشرش وسطنا مش فاهم إزاي بعض الناس واخدين الموضوع هزار وأجازة وفسح وزحمة رهيبة عادي فى الأماكن العامة ومخرجين ولادهم، رجاء كل الناس تأمن نفسها من دلوقتى ويشتروا لوازم المنزل من دلوقتى، والمقتدر يا ريت يأمن غير المقتدر، الظروف الجاية أصعب والدولة لازم تعمل حظر تجول دا لازم لازم".
وتابع: "اللى مش واخدين بالهم يا جماعة دا وباء عالمى مش وقفة العيد، وحرصنا دا هيخلينا نخلص منه إن شاء الله بدري جدا.. والرحمة مطلوبة من كل الناس اللى مشغلين ناس بيومية إنهم يحافظوا الفترة دى على أجورهم ومراعاة ظروفهم.. بلاش خروج أرجوكم إلا لو هتشتروا مخزون للبيت وتكونوا واخدين كامل الحذر فى الوقاية من الاحتكاك بكل شيء، ورجاء متنسوش غير القادرين.. ربنا يحفظكم ويحفظنا جميعا".
