عاشت الفنانة نيرمين الفقى فترة غياب عن جمهورها والتمثيل وصلت إلى 10 سنوات منذ مسلسل "جبل الحلال"، حتى ظهرت فى مسلسل أبو العروسة بجزأيه ثم نصيبى وقسمتك قصة "ما يطلبه المستمعون"، وأن سبب ذلك هم المنتجون الذين ضيعوا 10 سنين من عمرها فى انتظار الدور الكويس على حد قولها.
وشاركت الفنانة نرمين الفقى عبر حسابها على إنستجرام، مقطعا من لقاء أجرته مؤخرا، مع الإعلامية إنجى على، ببرنامج "Close up" على قناة نايل سينما.
وتحدثت نرمين فى اللقاء عن غيابها لمدة 10 سنوات عن الدرما، قائلة: "المنتجين ضيعوا 10 سنين من عمرى فى انتظار الدور الكويس، عشان كده غيّرت ونوّعت من جبل الحلال لأبو العروسة لنصيبى وقسمتك، وكل واحد فيهم كان فيه نجاح كبير الحمد لله".
وقالت: أمى كانت زمان بتنصحنى إنى مهتمش بالفلوس وتقولى اهتمى بالعمل عشان يفضل المشاهد فاكرك وتسيبى علامة، لكن للأسف دلوقتى لا فى فلوس ولا فى دور مناسب، أنا دلوقت بمضى بأقل من أجرى اللى كان من 10 سنين.. الموضوع ده طبعا مأثر وبيضايق أكتر لكن دى الحقيقة ولازم أكون واقعية، لكن النجاح هو التواجد، طول ما أنتى موجودة ده نجاح فى حد ذاته".
وشاركت نرمين الفقى فى مسلسل نصيبى وقسمتك الجزء الثالث، والذى يتكون من 45 حلقة، وتتضمن العديد من الحكايات والقصص المختلفة، وشارك فى البطولة هبة مجدى وهانى عادل، وقصة "اتفضل فى الصالون" بطولة هنا شيحة وفراس سعيد، و"اكدب عليا شوية" بطولة ميرهان حسين ومراد مكرم، و"مين طفى النور" بطولة كريم قاسم وملك قورة، و"ع الهادى يازبادى" بطولة نسرين أمين ونبيل عيسى، و"كله بالحب" بطولة شريف سلامة وإيمان العاصى، وحكاية "حبيبتى من تخون" بطولة طارق صبرى وميرنا نور.