أوضحت الفنانة داليا البحيرى أن هناك بعض التفسيرات الخاطئة للمنشور الذى نشرته عبر حسابها الشخصى بموقع "فيس بوك" والذى تهاجم فيه المواطنين غير الملتزمين بقرارات الدولة والإجراءات الوقائية لمنع انتشار فيروس كورونا، وينزلون للفسحة والتنزه فى الوقت الذى التزمت دالياً بالتواجد فى منزلها لمدة تزيد عن شهر للوقاية من انتشار الفيروس.
وأشارت داليا إلى أنها غضبت بشدة من المواطنين الذين ينزلون من بيوتهم من أجل الفسحة والتسوق فى التجمعات سواء بالمولات أو فى العتبة وغيرها وليس لأكل عيشهم وقالت:" لا يصح إنى وغيرى نتحبس فى بيوتنا علشان فى ناس تانية مش ملتزمة تصعب الأمور وتجعلنا نبقى فترة أكثر فى المنازل دون أى إحساس بالمسؤولية، ولو كل أناس الملتزمة اللى قاعدين فى بيوتهم من شهر وأكر لا قدر الله تعب وملقاش سرير فى مستشفى بسبب الناس الغير ملتزمين ايه إلى هيحصل!.. ودا ميرضيش ربنا".
وتابعت داليا: "لازم يكون فى إجراءات رادعة والناس تبقى عندها دم، وانا هنا مش بتكلم على الناس اللى نازلة ورا أكل عيشها، أنا بقول اللى بيتفسحوا وكمان مش ملتزمين بأى إجراءات وقائيه لا حد لابس كمامة ومتجمعين قريبين من بعض، وعلى فكرة اللى بيحصل داه يضر العمالة اليومية أكثر، وفى هذه مفروض على الشركات أن توفر للعمالة الخاصة بها أماكن تعيش فيها".