اعترف مطرب المهرجانات حمو بيكا بأنه كان يتعاطى مخدرات، ولكن قبل 8 سنوات، أما الآن فلا يتناول أى مواد مخدرة، وينصح الشباب بالابتعاد عنها؛ بسبب كثرة أضرارها، قائلا: "أنا مش بشرب مخدرات خالص واللى يقول يقول، وأنا كنت بشرب وبطلت من 8 سنين، وبنصح الشباب يبطلوا لأن أضرارها كتير".
وأكد المطرب حمو بيكا، فى حوار ببرنامج "شيخ الحارة والجريئة" مع المخرجة إيناس الدغيدى، على قناة "القاهرة والناس"، اليوم، أنه عانى من أضرار صحية كثيرة؛ بسبب المخدرات، مشيرا إلى أنه يتلقى علاجا لمعدته؛ بسبب أضرارها، وأنه انتبه لحياته بعد الاستفاقة من المخدرات التى كان يتناولها سابقا.
وأشار مطرب المهرجانات حمو بيكا، إلى أن أفضل مطرب شعبى بالنسبة له هو أحمد شيبة؛ لأنه من الإسكندرية نفس بلده، وأثنى حمو بيكا على نفسه، قائلا: "أنا مش مطرب ولكن مؤدى وعملت أغانى لناس كتيرة قوى، وناس كتير قوى كان نفسها تغنى معايا ولسه نفسهم يغنوا معايا، وأنا روحت فنادق ودخلت أفراح قبل شاكوكش وأى حد، والناس بتعشقنى، وممكن أنزل فرح أتصور مع الناس بس وباخد أجر".
واختتم: "أول لما المزيكا بتعتى تحضر فى فرح لازم كل الناس تقوم ترقص".
كما هاجم حمو بيكا زميله حسن شاكوش، بعد انتشار أغانيه فى الفترة الأخيرة، قائلا: "الغرور أكل حسن شاكوش، وبقى مش شايف حد، وشايف نفسه إنه رقم واحد، واللى بيعمله فى نفسه غلط، وفى مجالنا محدش رقم واحد"، مؤكدا أن النجاح الكبير الذى حققه حسن شاكوش سبقه فيه بنجاحات مهرجانات كثيرة.
وأبدى المطرب حمو بيكا، سعادته بالنجاح الذى حققه حس شاكوش، وقال: "أنا مش بنفسن وعمرى ما أنفسن من شاكوش ولو هينجح 100 سنة أنا فرحان إنه ناجح عشان حسيت إنى عملت حاجة".
وأضاف: "بداية نجاح حسن شاكوش من عندى وأنا أنتجت له أغانى كتير حوالى 15 أغنية، وهو كان عنده 5% من الجمهور قبل ما يغنى معايا، وصعب شاكوش يتنطط عليا، وهو بيتنطط على كل الناس إلا أنا وأنا خط أحمر بالنسبة له".