فى قلبى إيمان وفى إيدى سلاح
ابن العامل أنا.. وابن الفلاح
وهبت العمر ليكى يا مصر
وما هرجع قبل ما أجيب النصر
وأبدل ليل الجهل ده بصباح
بلادى ومالى غيرها بلاد
عظيمة وسابقة فى الأمجاد
وكريمة ما تردى المحتاج
وأرضك والله براح ف براح
وجيشك عمره ما كان البادى
وعمره ما أتجبر.. ولا دمر
ومهما أتكاتروا عليكى أعادى
ولادك يبقوا جيش ورا جيش
يستشهد ابن يقوم التانى
ياخد التار ويحمى الدار
ويرجع وفى إيده الأفراح
فى قلبى إيمان وفى إيدى سلاح
ابن العامل أنا.. وابن الفلاح
وهبت العمر ليكى يا مصر
وما هرجع قبل ما أجيب النصر
وأبدل ليل الجهل ده بصباح
وتعلىَّ راية الحرية
وتعيشى يا مصر تعيشى
قوية وحرة.. وأبية
وجيل بيسلم جيل
ما تحوشه قوة عن حلمه
وما تهزه أعتاها رياح