انتهى فريق عمل ممسلسل "ونحب تانى ليه" من تصوير مشاهد العمل والذى يشارك فى بطولته كل من الفنانة ياسمين عبد العزيز وكريم فهمى وشريف منير وتأليف عمرو محمود ياسين وإخراج مصطفى فكرى.
وكان قد نشر الفنان كريم فهمى عبر حسابه على Instagram صورة لبوستر المسلسل، وكتب معلنا انتهاء التصوير وبارك لكل المشاركين فيه ووجه لهم رسالة خاصة.
قال فهمى: "حقيقى أنا بحب المسلسل ده ومع آخر يوم أحب أشكر كل حد اشتغلت معاه من جميع الأقسام وكل الممثلين على رأسهم ياسمين عبد العزيز أختى وصديقتى الجدعة اللى مهما اتكلمت عليها مش هوفيها حقها والأستاذ شريف منير اللى كان ليا الشرف أنى أقف قدامه وهو قيمة كبيره جدا وكل الممثلين بجد أنا حبيتهم جدا جدا وشكرا عمرو محمود ياسين صاحبى المؤلف الشاطر أوى اللى بيحب شغله وسبب أساسى فى نجاح العمل والمخرج طبعا مصطفى فكرى الشاطر اللى مريحنا نفسيا وإحنا قدام الكاميرا".
وأضاف "ومدير التصوير العالمى أخويا زيتون تسلم غيدك ومهندس الديكور تامر والمونتير الجامد أوى عمرو عاصم وطبعا دنيا عبد المعبود الاستايلست الجامده أوى ومهندس الصوت محمد وطبعا طبعا سينيرجى شركة الإنتاج، بجد بحب الكرو ده جدا جدا، الكلام ده من قلبي، شكرا ليكو كلكو".
مسلسل "ونحب تانى ليه" يُعرض على قناتى CBC وCBC دراما، وهو بطولة كل من ياسمين عبد العزيز، سوسن بدر، كريم فهمى، شريف منير، تارا عماد، عماد رشاد، أحمد سعيد عبد الغنى، سمر مرسى، تأليف عمرو محمود يس، إخراج مصطفى فكرى، ومن إنتاج شركة سينرجى للإنتاج الفنى.
