نشر رجل الأعمال أحمد أبو هشيمة، عبر حسابه الشخصى على "إنستجرام"، صورة رومانسية تجمعه بزوجته النجمة ياسمين صبرى، بأحد المنتجعات السياحية، وذلك بعدما انتهت ياسمين من تصوير مسلسلها "فرصة تانية" ومتابعة ردود الأفعال حوله.
وكانت ياسمين صبرى قد علقت، فى حوار خاص لـ"عين"، على التعليقات بشأن تصريحاتها فى برنامج "رامز مجنون رسمى" التى تم اجتزاؤها، حين تكلمت عن زوجها أحمد أبو هشيمة، وقالت: "حلقة رامز شفتها مثل الجمهور، وفيه حاجة اندهشت منها جدا، ومش لاقية ليها أى تفسير، فأنا لما اتسألت بتحبى فى أحمد جدعتنه ولا وسامته، فالحقيقة إنى جاوبت وقلت بحب فيه كل حاجة يعنى ناجح وواثق من نفسه وطموح وشخصيته قوية حتى قلت إنه من وجهة نظرى هو سيد الرجالة، وإن إحنا بنتمرن مع بعض كتير فى الجيم، وفيه حاجات كتير بينا مشتركة، وإن هو بيضحكنى.
وأضافت ياسمين صبرى: "تفاجأت فى الحلقة وأنا بتفرج إن رامز والبرنامج قرر ياخد الجزء الأخير بس من إجابتى فأنا استغربت جدا، أنا مفهمتش إيه الفكرة إن إجابتنى تتقص وتتاخد دى بس وقلت وبيضحكنى، حتى والواو اتشالت، وضايقتنى وأنا مكنتش أتوقع كدا من رامز أبدا، لأنى بتفرج على البرنامج بتاعه من سنين من قبل ما أكون ممثلة حتى".
