فى ذكرى ميلاد الفنان الراحل محمود عبد العزيز، نشر الفنان محمد محمود عبد العزيز صورة تجمعه مع والده، على حسابه الخاص بموقع "إنستجرام".
وعلق محمد محمود، على الصورة قائلا: "بكره، إن شاء الله 4 يونيو 2020 عيد ميلاد أبويا، كل سنة وحضرتك طيب وبخير وسعيد فى مكانك الطاهر اللى أتمنى إن ربنا يجمعنى بحضرتك فيه على خير، ولحد ماجى لحضرتك أتمنى تكون الهدايا بتاعتى بتوصلك وتكون مبسوط وراضى عنى".
وأضاف: "كل سنة وحضرتك ضهرى وسندى وأمانى يا أبويا وأخويا وابنى وصاحبى.. ورغم المسافة اللى بينا برضه جمعتنا صورة جديدة يوم عيد ميلاد حضرتك.. إلى أن نلتقى فى مكان واحد إن شاء الله (لا إله إلا الله سيدنا محمد رسول الله)".
