أعلنت الفنانة داليا البحيرى إصابة زوجها رجل الأعمال حسن سامى بفيروس كورونا، بعد تأكيد نتيجة التحاليل إيجابية الحالة.
وقالت داليا البحيرى: "أنا حبدأ بألف حمد وشكر ليك يا رب، لأن أنا عارفة ومتأكدة إن إحنا عملنا اللى علينا وزيادة، حافظنا وقعدنا فى البيت، وعقمنا وطهرنا، وانتقدنا اللى نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزى وحبيبى طلع إيجابى كورونا فيروس، ربنا يشفيه ويعافيه يا رب".
وأضافت داليا البحيرى، عبر صفحتها على موقع التواصل الاجتماعى "فيسبوك"، قائلة: "إحنا كلنا عملنا مسحات تحليل كورونا، أنا والأولاد، واللى بيساعدونا فى البيت، عشان نطمن، لأننا كنا مخالطين لحسن، وبإذن الله هنعرف النتيجة بكرة بليل، وربنا يجيب العواقب سليمة يا رب".
وتابعت: "أنا بقول الكلام ده عشان أى حد لازم يعمل كده، لازم يقول، وبكل وضوح عشان الناس اللى كانت مخالطة ليهم يعرفوا، ويطمنوا على نفسهم، لأن دى أمانة، والمرض مش حاجة الواحد يخجل منها.
يذكر أن الفنانة داليا البحيرى قالت، أثناء مداخلتها عبر برنامج زووم فى برنامج مساء DMC، على قناة DMC، والذى يقدمه الإعلامى رامى رضوان، منذ أيام قليلة: "إن الزعيم يمتلك كاريزما لا توجد عند أى شخص غيره، وهذا ما يجعله متميزا وناجحا، فهو فريد من نوعه، وكانت آخر مرة أقف أمامه فى الكاميرا منذ 12 عاما، لذلك عندما وقفت أمامه فى مسلسل "فلانتينو"، الذى عُرض خلال موسم رمضان الماضى، شعرت وكأنها المرة الأولى مما انتابنى شعور بالقلق والخوف".
