من داخل مستشفى العزل التى تتواجد فيها المطربة الشابة نهال نبيل، قالت فى تصريحاتها لـ"عين"، إنها مازالت تتواجد فى المستشفى هى ووالدتها، بسبب أن المسحة التانية ظهرت نتيجتها إيجابى.
وأضافت نهال قائلة :" أنا عندى أمل كبير تبقى سلبى قريب وأنا وماما صابرين، ومحتاجين دعواتكم".
وتابعت نهال حديثها :"ماما لسة علي جهاز تنفس صناعى ويارب تقوم بالسلامة.. الفترة اللى فاتت كلها كان نفسى ضيق و ممنوعة من الكلام لكن أنا أحسن دلوقتى الحمد لله عن الأول، بس لسة صدري تعبان و نفسي ضيق ومش بعرف أنام بسهولة، وإن قدرت أبص على الموبايل أشوف مين باعتلى بعمل كدة تسلمولى كلكم أشوفكم بخير، وأشكر كل من حاول الإطمئنان عليا أنا وماما، وأرجو من كل أصدقائى يدعولنا، إحنا محتاجين كل دعوة أنا وماما".