أعلن الفنان محمد صلاح، عن إصابته بفيروس كورونا المستجد (كوفيد-19)، وذلك عبر صفحته الشخصية بموقع التواصل الاجتماعى "فيسبوك" وسط دعوات من زملائه ومتابعيه ليمر من هذه المحنة بسلام ويتم الله شفاءه بكل خير .
اسمه كاملا؛ محمد صلاح آدم من مواليد 1976 ، خريج أكاديمية الفنون المعهد العالى للفنون المسرحية قسم تمثيل وإخراج .
من أشهر أعماله فى الدراما، الأب الروحى ج 2، قصر العشاق، ولاد تسعة، ظل الرئيس، الإمام الغزالي، مكتوب على الجبين، الرحايا حجر القلوب، وجسد دور الرئيس جمال عبد الناصر فى مسلسل أوراق مصرية. أما سينمائيا شارك فى أفلام عمارة رشد، أسد سينا، وسعيد كلاكيت.
وكشف الفنان محمد صلاح إصابته بكورونا فى منشور جاء فيه: "بكتبلكم وأنا على سريرى فى مستشفى صدر العباسية وبعد عمل آشعة مقطعية على الصدر اللى أكدت انى أصبت بالوباء اللعين وقالولى اتأخرت ليه".
وأضاف الفنان محمد صلاح قائلًا: "يمكن تكون آخر كلمات ليا فى الدنيا دى .. اترددت كتير بس لقيت نفسى مش قادر وبكتب .. لانى حسيت احساس غريب حسيت انى مش خايف من الموت .. انا خايف انى اموت قبل ماشوف النجاح .. استغربت وقولت لنفسى انت مش خايف من الموت ؟؟؟ قولت والله لا .. انا خايف اموت قبل ماشوف نجاحى .. بلدنا بقى الحلم فيها .. انك بس تشتغل .. انت بس بتحاول طول الوقت انك تشتغل .. وتخبط على البيبان وكل البيبان بتتقفل فى وشك".
وتابع الفنان محمد صلاح: "شباب فى أول عمرهم وشباب بقوا رجال ورجال أصبحوا كهول وبنات وسيدات موهوبين خريجين المعاهد والكليات الفنية وماوقفوش أمام كاميرا.. واللى هاجر .. اجمل مافى الوجود الحلم والطموح واقبح مافى الوجود عدم تحقيق الحلم أو الطموح ده".
