قصة عشق عمرو السولية لابنته ليلى تتحدى فيروس التنمّر

نجح عمرو السولية لاعب النادى الأهلى فى التصدى للتنمر على ابنته ليلى بعد نشر صوره معها عبر صفحته الشخصية على إنستجرام، خاصة فى ظل صغر سنها وتعرضها للتنمر من أحد متابعى صفحته بدون وجه حق.

ويرتبط عمرو السولية نجم النادى الأهلى بعلاقة عشق ن أبنته ليلى، حيث نجده دائما ينشر صوره معها فى جميع المناسبات سواء فى النزهات العائلية أوالبحر أو ما إلى ذلك.

ونجح اللاعب فى التصدى للتنمر من خلال الرد على تعليقات عدد من متابعيه بموقع إنستجرام والتى زعموا أن ملابس ابنته ليلى التى تبلغ من العمر 3 سنوات ونصف غير محترمة، موضحا أنه سيتقدم ببلاغات ضدهم، وكتب عمرو السولية، عبر حسابه بموقع انستجرام، "ليلى بنتى عندها 3 سنين ونص (لسه قالعة البامبرز من كام شهر) الكلام ده بيتقال على طفلة !! ايه اللى يخلى (بنى آدم) خنزير ممكن يبص على لبس طفلة ويركز غير أنه فعلاً خنزير ؟! ايه المرض ده !".

وأضاف السولية، "دول اللى لما بيكبروا بيكونوا مغتصبين ومتحرشين واللى بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللى بيبرروا للتحرش ولبس البنت يكونوا مبسوطين دلوقتى وهما شايفين اللى بيحصل".

وتابع، "قررت اتقدم ببلاغات لأصحاب الكومنتات دى عشان اللى زى دول مينفعش يكبروا وسطنا قررت احمى بناتى اللى لسه مشافوش الدنيا وللأسف خايف عليهم يشوفوا كمية القرف والاشمئزاز ده ".

وكان شارك عمرو السولية لاعب خط وسط فريق الأهلي، متابعيه وجمهوره عبر حسابه الرسمى على موقع التواصل الاجتماعى انستجرام صورا جديدة برفقة ابنته ليلى معلقه عليها: "كل شىء بالنسبالى".

ونشر عمرو السولية عبر حسابه الرسمى على موقع التواصل الاجتماعى انستجرام صورا جديدة برفقة ابنته ليلى من جلسة تصويرية، لاقت تفاعلا كبيرا من المتابعين على المنصة الاجتماعية.