أعلنت المذيعة خلود نادر عن شفائها من فيروس كورونا، بعد مرور 15 يوما من إصابتها من الفيروس المستجد، وكشفت عبر حسابها الشخصى فيس بوك استعدادها للعودة لحياتها الطبيعية وتوجهت بالشكر للطاقم الطبى الذى رافقها فى رحلة علاجها وقالت: "الحمد لله انا خفيت والحمد لله اتاكدت انى اقدر ارجع لحياتى الطبيعية من جديد والحمد لله جت بسيطة..والحمد لله على نعمة ناسى وحبايبى اللى كانوا بيسألوا عنى كل يوم (من قلبهم) الحقيقة انا بشكر الفترة دى جدا لأنها علمتنى حاجات كتير قوى فى حياتى يمكن كنت هتعلمها كمان عشر سنين".
وأضافت: "شكرا جيش مصر الأبيض اللى فعلا تعبانين قوى علشانا وأقل واجب إننا نشكرهم واخص بالشكر الأطباء الجميلة قلبا قبل ما يكونوا شاطرين كمان.. دكتور محمد قدرى ودكتور إسلام الشواف يارب يكتر من امثالكم".
ووجهت خلود النصيحة للجميع بأن يحافظوا على أنفسهم وقالت خلوا بالكم من نفسكم ومن صحتكم ومن الناس اللى بتحبوها وبيحبوكم عشان دول احلى واكبر نعم فى حياتنا..واحمد ربنا من قلبك بكل حب ورضا واقتناع على نعمة اليوم العادي، ومتنسوش تابعونا إن شاء الله الأحد والإثنين من 9 ل 11 بالليل فى ياليل ياعين على نغم اف ام إذاعتى العزيزة اللى بتشرف دايما بوجودى فيها وسط زملائي".
يذكر أن الإعلامية خلود نادر تقدم برنامج "طبخ ستات" على إذاعة نغم اف ام تستضيف من خلاله عددا من الضيوف وقدمت قبل ذلك العديد من البرامج الفنية واستضافت من خلالها عددا من نجوم الفن والغناء.