أثار فيديو الفنانة الشابة شيرى مجدى، الذى ظهرت فيه باكية بسبب عدم حصولها على أى عمل فنى لفترة طويلة الكثير من الجدل والتعاطف ، وقالت "شيرى" فى الفيديو المتداول لها: "بقالى أربع أشهر فى ضيقة كبيرة، ومفيش شغل وكل اللى كلمتهم يساعدونى محدش ساعدنى، أنا يتيمة الأب والأم، وعايشة لوحدى ومعنديش حد فى حياتى يقف جنبي".
وتابعت: "أنا مش طالبة من حد حاجة غير اللى شايف إنى شاطرة يخلينى اشتغل.. أنا كنت بفكر فى الانتحار لكن خايفة مش عايزة أموت كدة، مش قدامى أى حلول، عمرى ما أذيت حد، وياريت اللى يساعدنى من غير ما يحسسنى إنى قليلة".
استجداء شيرى مجدى لم يكن الوحيد، فالعديد من الفنانين أعلنوا أنهم يعيشون فى ضيق حال ويبحثون عن "لقمة عيش" حتى وإن كانت خارج الوسط الفني، خاصة فى ظل الظروف التى يعيشها العالم فى ظل انتشار جائحة كورونا وتوقف العديد من الحفلات والأعمال الفنية.
وفى وقت سابق، المطرب الشاب محمد شاهين عبر عن حزنه فى ظل الظروف التى تمر بها البلاد تلك الأيام على خلفية انتشار جائحة كورونا، وتوقف العديد من الوظائف عن العمل، لافتا إلى أنه قبل أزمة كورونا وتحديدا قبل 10 أشهر لا يجد "شغل" وتمنى أن تعود الحياة لطبيعتها كى يبحث عن فرصة عمل فى مجال غير الفن .
وكتب شاهين على صفحته الشخصية على "فيس بوك": أنا ياجماعة بقالى أكتر من 10 شهور مفيش شغل بجد ودى حاجة بقولها مش علشان حد يسألنى إزاى وتستغربوا.. من قبل الكورونا والدنيا مش موفقة معايا".
وأضاف شاهين: "بشكر ربنا فى كل وقت يارب يارب يارب البلد تفتح ونرجع نشوف أى شغل تانى ناكل منه عيش.. والشغل مش عيب والله". وطالب متابعيه بالدعاء له من أجل أن يمر من تلك الأزمة قائلا: "ادعولى وادعوا لنفسكم بصلاح الحال للجميع".
وظهرت الفنانة منى فاروق فى بث مباشر في وقت سابق، عبر حسابها على إنستجرام، مقدمة اعتذار للشعب المصرى و معبره عن حزنها الشديد من المعاملة التى تتلقاها من الناس و المجتمع بسبب أزمتها الأخيرة .
وقالت منى فاروق فى الفيديو،" طول الوقت بتعامل إنى منبوذه فى المجتمع وحضرت إلى دبى عشان اشتغل أى حاجه مش شرط التمثيل أى شغل مش لاقية فرصة بقالى شهر قعدة فى البيت ولا حد عاوز يتعامل معايا و حصلى مشكلة زى أى حد فاهمة أنا غلطت وبعتذر.
وتابعت، " مهما حاولت أعمل قوية أنا مش قوية كفاية إنى أعمل مش واخدة بالى طول الوقت، وأنا تعبت وعمالة أتعامل إن الموضوع عادى وهومش عادى، ومخنوقة أوى من شهر 2 لشهر 6 أنا برة الدنيا وعايشة ميتة، وكنت كل لما أنزل ويوم ما قالوا لى إنى أخدت إخلاء سبيل أنا وقعت من طولى مش مصدقة بجد والنبى يا رب يكون الناس مبيضحكوش عليا وأخويا وأمى يشهدوا على ده".
وأستطردت:" كل الناس بتضايقنى وأنا بخاف أمشى فى الشارع حد يضايقنى ومحدش عايش الحياة اللى أنا عشتها، والحل إنى أموت. وقالت منى فاروق فى الفيديو "أنا آسفة للشعب المصرى وأنا تعبانة من جوة قوى ومحدش عايز يدينى فرصة ولا مخرج ولا ممثل ولا مطرب عاوزين يدونى فرصة فى التمثيل .