طرح الشاعر الغنائى خالد تاج الدين أغنية جديدة له تحمل اسم "يخربيتك زن" وتنتمى إلى أغانى "الراب"، وهى من ألحانه وكلماته وتوزيع جى اتش، وماستر خالد عز.
وتقول كلمات الأغنية:
يخربيتك زن زن زن زن زن
حتى الزن فن مش عن عن عن عن
يخربيتك هرى هرى ولك لك لك
تحبطك وتقفلكك وتخيطك وتسرفلك
اتنين بالليل بترن وأنا باخد اليوترن بصيت ف موبايلى وكنت هلبس وهى زن زن
سلامو عليكو قولتها لعم شهاب البواب
افتح الباب معييش مفتاح مش هحكى معاك وأراب
وأنا طالع ع السلالم بحبى واحدة واحدة البت ما بتسكتش جاحده.. قولتلها بلاش تتصلى تقوم رنالى رنه واحده.. ده محن ولا لسه شاحنه عمرو دياب شوف قالى ايه.. هو ده اللى حلمت بيه !!
دخلت اوضتى رميت الجزمه كل فرده ف ناحية.. همدان كأنى جى من اختراق الضاحية
ألو صاحية؟ طب نامى عندى مكالمة مع تهامى انسينى مش وقت اتهامى اسهرى مع بنت هانى روحى كلمى تهانى
وهى اهئ اهئ دلع مرق طب هعمل ايه
أنا عليك اتدلق وأنا اتفلق سايبنى ليه
قولتلها بس بقى القلق قلق من زنك بيه
ذنبك ده ليه متذنب بيه.
يذكر أن الشاعر خالد تاج الدين قدم العديد من الأغانى الناجحة لكبار نجوم الغناء، منهم: عمرو دياب، ومحمد حماقى، وإليسا، ونانسى عجرم ، وأنغام، وآمال ماهر.