قالت المطربة بوسى: أنا لما كنت صغيرة كنت شبه اليابانيين، وأنا لم أعش طفولة مشردة للدرجة، ولكنها طفولة محبوبة، كنت شقية زى الأطفال، ولكن مش قليلة الأدب.
وأضافت بوسى، خلال استضافتها فى برنامج "سهرانين" الذى يقدمه أمير كرارة، المذاع على قناة ON، كنت بلعب وأنا صغيرة مع العيال فى الشارع، وكنت بلعب "بلى" و"نحلة"، وكنت بأجر موتوسيكلات وأركب عجل زى الولاد بالظبط.
وتابعت: فى مرة كنت أنا وأخويا بنتخانق ونضرب بعض ووصلنا للبلكونة، روحت ماسكة الكرسى وخبطه بيه فتحت حاجبه، واتخانقنا مرة تانية وضربته بزجاجة، وماما كانت فى النص بنا وبعد ما الزجاجة جت فى راسه جت فى مناخير والدتى بس الحمد لله كل حاجة كانت سليمة.
