نفت الفنانة سهام جلال، وجود أى علاقة ارتباط أو خطوبة أو زواج من الساحر ولاعب خفة اليد عزام، بعد نشرها صورا جمعتهما على حسابها الشخصى بموقع التواصل الاجتماعى "فيس بوك"، على أحد شواطئ مدينة دهب.
وقالت الفنانة سهام جلال، فى تصريحات خاصة لـ"عين": مش معنى إنى أنزل صورة مع صديق ليا يبقى تربطنى به علاقة أو اتجوزته ده أصغر من أخويا الصغير، والجمهور بقى مستفز جدا جدا.
وأضافت: أنا وعزام تجمعنا صداقة فقط، وهو ولد ساحر وشاطر جدا، وأنا نزلت الصور دى على أساس إنى بعمله دعايا؛ لأنه شاطر فى شغله جدا، ولكن كلام الناس على مواقع التواصل الاجتماعى اتسببلى فى كآبة.
وتابعت: أنا واحدة فى حالى جدا، ومن الفنانات اللى لا ليا صورة فيها مشكلة أو حدث، ولا عمرى طلع عليا شائعة، وأنا لو أتجوزت أو اتخطبت هاقول هاخاف من إيه إنى أقول يعنى.
واختتمت، الجمهور بقى متطاول زيادة عن اللزوم على الفنانين، وبيدخل يقول تعليقات سخيفة، وكمان بيقيم العلاقة من صورة، ونفسى يحط نفسه مكاننا أنا لو دخلت وقلت على أختك أو زوجتك كلمتين، بسبب صور مش هتضايق أو أهلها مش هيضايقوا، يا ريت تراعوا ربنا فى الكلام اللى بتكتبوه.
