دافعت الفنانة راندا البحيري عن الفنان ساموزين، رافضة مافعله الفنان محمود العسيلي، حيث شهد موقع التدوينات القصيرة "تويتر" تراشقا بالألفاظ بين الفنانين محمود العسيلى وسامو زين بسبب شخصية "عبده الفتوة" التى يقوم بدورها الأخير فى مسلسل طعم الحياة.
وبدأت الواقعة بنشر الفنان محمود العسيلى تغريدة عبر موقع التدوينات القصيرة "تويتر" كتب فيها :" نفسي أكتب تويتة عن المغني اللي طلع في دور بلطجي".
حيث علقت راندا البحيري على الواقعة برفضها ما فعله محمود العسيلي، من خلال حسابها الشخصي بموقع التواصل الاجتماعي "فيس بوك" قائلة: "موضوع رخم أوي وبجد عيب عيب بالذات لما يبقي زميل، يعني إيه كل الناس وأغلب اللي شغالين في المهنة فجأة اشتغلوا مُحللين ونقاد وبينقدوا زميلهم المطرب اللي كل غلطته إنه حاول يجتهد ويمثل دور علشان يبسط بيه الناس، و كل اللي في الوسط عارفين كويييييس أوي إن المخرج الجامد بيطلع من الممثل أي حاجة هو عايز يطلعها، يعني سامو مش غلطان ومش هو اللي اتسبب في خروج المسلسل بالشكل ده، أي حد عنده قدرات سامو التمثيلية كان زمانه اتوجه وطلع أحسن ما عنده".
وانهت راندا كلامها قائلة: "شكرا لكل اللي اتريق على زميلنا.. المطرب الممثل.. بكره تتريقوا عليّ لو حصل لي حاجة.. خوفت من كل شخص عمل كده.. بمنتهي الصراحة".
