شريف رمزى:" دخلت ابنى نفس مدرستى وأتمنى يعدى بنفس تجربتى"

شارك الفنان شريف رمزى، جمهوره بصور له مع نجله فى أول يوم دراسة عبر حسابه على إنستجرام، موجها العديد من النصائح للأباء والأمهات حول تربية الأبناء، و الاهتمام بالدراسة.

 

وكتب شريف، قائلا:""أهم استثمار في الحياة هم ولادك وأول يوم مدرسة في حياتهم بيبقي أصعب وأهم يوم.. يوم عمرهم ما بينسوه وبيفضل محفور في ذاكرتهم طول حياتهم لأن ده أول طريق مشوار حياتهم الحقيقية وأول خطوة في إستقلالهم عن أهلهم".

 

وأضاف: "متسيبوش ولادكم في اليوم ده بالذات وحاولوا تدولهم أكبر قدر ممكن من المساندة والتمهيد والحب علشان يعدوا اليوم ده بسلام ويبدأوا حياتهم بسعادة وراحة واستقرار نفسي".

 

واختتم حديثه، قائلا: "معلومة أخيرة أنا دخلت ابني نفس المدرسة اللي أنا اتخرجت منها.. مدرسة الألسن.. أنا تقريباً كنت تاني أو تالت دفعة فيها وبحبها وبعتز بيها جداً وقضيت فيها أجمل أيام حياتي وعملت منها أهم أصدقاء عمري وبحب وعلى علاقة بمعظم أساتذتي فيها لحد دلوقتي وأتمنى ولادي يعدوا بنفس التجربة بتاعتي في المدرسة دي إن شاء الله".

 

وكان قد شارك الفنان شريف رمزى، فى حملة حماية الفتيات من عمليات الختان، وحرص على رفع لافته بعنوان "الختان جريمة بكل المقاييس، لا للختان"، ليعلن تضامنه الكامل لإنهاء تلك الظاهرة التى تتسبب فى مشاكل كبرى للفتيات.