قال النجم مصطفى قمر: "أنا سميت ابنى تيام بالاسم ده، عشان كل الناس اللى تنده عليه تتلخبط فيه، عشان يفضل يدعى عليا طول عمره، ولكن أنا من البداية كنت عاوز أسميه تميم أو متيم، وكان ليا صديق قالى على اسم واحد بتاع بيتزا شافه اسمه تيام فعجبنى وسميته بقى بالاسم ده".
وأضاف مصطفى قمر، خلال لقائه بصحبة نجله تيام فى برنامج "معكم" تقديم الإعلامية منى الشاذلى المذاع على قناة Cbc: "الفرق بين جيلى وجيل ابنى تيام، إن ربنا أداهم مزايا كان نفسنا يحصلنا إحنا فى جيلنا؛ لأن أنا دخلت الفن بمجهود ذاتى".
وتابع: "كان نفسى أدرس وأتعلم شوية، ولكن كان الموضوع عندى موهبة فقط، وكنت بتعلم من الأساتذة حواليا، ولكن تيام من صغره اتولد فى بيت فنى، وبقى فاهم اللعبة من الأول".
وطرح النجم مصطفى قمر، مؤخرا أغانى ألبومه الجديد "لمن يهمه الأمر 2" الذى يضم 7 أغنيات، وهى: "مسافر" و"عجوز فى المدينة" و"دقى عودك" و"حبك على جبينى" و"سوسنة" و"حنونة" و"هغنيلك"، عبر قناته الرسمية على "يوتيوب".
وتعاون قمر فى الألبوم الجديد مع عدد كبير من الشعراء وملحن واحد فقط، ومن الشعراء رضا زايد والراحل سامح العجمى، ولحّن مصطفى قمر عددا من أغانى الألبوم، وشارك أشرف السرخوجلى فى الألبوم بتلحين عدد من الأغنيات أيضا، والألبوم بشكل كامل من توزيع مصطفى قمر.
