قالت النجمة منة شلبى، فى حاجة بتعصبنى الناس اللى بتكون مهتمة تدخل على الصفحة بتاعتى عشان تشتمنى دى حاجة بايخة ومنتهى السخافة ورخمة جدا وأنا شايفة إنه مضيع من وقته دقيقتين عشان يضايقنى، ولكن أنا فرحانة وبحترم اللى بعمله.
وأضافت منة شلبى، خلال الندوة التى تناولت قضية تمكين المرأة المقامة ضمن فعاليات مهرجان الجونة السينمائى، أكيد مش هضيّع من عمرى دقيقتين عشان أشتم واحد ناجح، إما إن المجتمع يتغير وجه نظره، وإنه ميبقاش شايف المرأة قطعة من اللحم ده موضوع طويل جدا، ولكن الحل الوحيد من وجهة نظرى إيمانك بنفسك وايمانك انك مش حتة لحمة وخلاص، وأنا عندى من الحرية والجراءة والاحترام إنى أكون لابسة اللى يريحنى طالما لا يضر عين أحد.
وتابعت: أما من ناحية التمثيل، أنا عندى الجرأة والاحتراف إنى بعمل شخصية تانية غيرى، فأكيد هالبس لبس مش بتاعى، وحضرتك مش عاجبك دورى بلغنى، ومن حقك متدخلهوش، ولكن مش من حقك تدخل تهزقنى عشان دور؛ لأن كده حضرتك أنا آسفة مهزق.
وعُقد مهرجان الجونة السينمائى فى دورته الرابعة، اليوم الإثنين، ندوة بعنوان تمكين المرأة، ضمت كلا من المخرجة جيهان الطاهرى والمخرجة نجوى نجار والنجمة منة شلبى وصانعة الأفلام دورثى مايرامى كيللو، وأدارت الندوة الإعلامية ريا أبى راشد، وذلك فى سينما أودى ماكس، وشهدت الندوة حضور كل من: شيرين رضا، ولقاء الخميسى، والمستشار التنفيذى لمهرجان الجونة عمرو منسى، وتارا عماد، وهدى الإتربى، وهدى المفتى.