كشف الفنان خالد الصاوى أنه بدأ حياته كمحام، قائلا: "عملت محامى لفترة طويلة ونقلت نفسى لقيد غير المشتغلين بعد تقييدى فى الاستئناف".
وقال فى لقاء عبر برنامج "كلمة أخيرة"، الذى تقدمه الإعلامية لميس الحديدى على شاشة "ON" فى أول حوار له بعد تكريمه فى مهرجان الجونة: "تخرجت فى كلية الحقوق وتدرجت بين محام جزئى ثم كلى ثم استئناف، وأنا بدأت التمثيل من مرحلة الثانوية العامة، وبدأته بإلقاء الشعر وصولا للتمثيل؛ لأنى كنت بحبه من وأنا صغير وترسخ الفن بداخلى فى مرحلة الجامعة".
وتابع: "الشعر أخد منى راقات بس مادنيش أوى، واكتشفت ده فى سن أربعين، إن فيه أنشطة بتحبها وهيا ماتحبكش أوى، يعنى وأنا فى الجامعة كنت بحب التمثيل أوى، وأجتهد جدا وآخد مركز ثالث، وخالد صالح كان الاول والثانى دائما".
وأشار إلى أن جيله يضم الآن محمد هنيدى وخالد صالح وطارق عبد العزيز وإنضم إليهم عمرو عبد الجليل وفتحى عبد الوهاب.
ونصح الصاوى جيل الشباب قائلا: "أنصحهم نصيحة أبويا الله يرحمه اعمل اللى تحبه من غير لفة حب اللى تعمله لغاية ما تعمل اللى تحبه ما فيش الكلام ده، الإنسان بيعيش مرة واحدة، ودى نصيحة أبويا، وهى دى الحرية اعمل اللى تحبه وادفع ثمنه.. ادفع فاتورتك".