قالت الفنانة إلهام شاهين، "عاوزة أحيى مهرجان الاسكندرية عشان كرم إيناس الدغيدي، لأنه تكريم للفكر التنويرى اللى مفتقدينه، وقدمت القضايا اللى الكل بيخاف إنه يقدمها".
وتابعت الفنانة إلهام شاهين خلال ندوة تكريم المخرجة ايناس الدغيدي، "المخرجين بيكونوا مقتنعين بالقضايا التى قدمتها ايناس ولكنهم لا يملكون الجرأه لان المجتمع هايهاجمه ويقوله عيب وحرام".
وأضافت، "إيناس الدغيدى بعتز بصداقتها وهى اكتر واحدة من صديقاتى صادقة انسانيا وفنيا، وده بيبان فى أفلامها اللى بتقدم فيها الصدق."
وتابعت، أنا من اول فيلم "عفوا ايها القانون" وانا بتمنى اشتغل معاها، وموافقاكى وموافقاكى خاصة انك بتقدمى كل ما يهم المرأة، وانا عملت فيلمين معاها أولهم "لحم رخيص" اللى بيتناول موضوع كارثى عن عرض َبيع البنات تحت مسمى الزواج ولكن هى دعارة، وانا بعتبر فيلم لحم رخيص وسام غلى صدري.
واستكملت، الفيلم الثانى هو "دانتيلا" ولما اتعرض فى شيكاغو حضرت ندوته وبقيت فخوره بيه وبايناس الدغيدي، ووقف شخص امريكانى متحمس بيقولها فيلمك ممكن يدخلنى الاسلام عشان شاف الجواز والطلاق سهل مش زى عندهم.
واختتمت حديثها، فخورة انى اشتغلت مع ايناس الدغيدي، واتمنى نعمل افلام وموضوعات جديدك وندافع عن المرأة من تانى ولازم تكملى طريقك اللى بدأتيه.
وحضر ندوة تكريم المخرجة ايناس الدغيدى بمهرجان الاسكندرية السينمائى لدول البحر الأبيض المتوسط، الناقد الأمير أباظة رئيس المهرجان، الفنان عزت العلايلي، الفنانة الهام شاهين، المخرج عمر عبد العزيز، خالد عبد الجليل مستشار وزيرة الثقافة، أدار الندوة الأمير أباظة.