"التريند ملهوش كبير" هذا أصح مصطلح يمكن أن يطلق على التريند وهى الكلمة السائدة والحكم الأول على السوشيال ميديا وجوجل والتى تتغير من لحظة لأخرى وتنتقل بين الفنانين والمشاهير بسلاسة دون سابق إنذار، لذلك ودون سابق إنذار تصدر الاسبوع الماضى النجم تامر حسنى التريند، ليس بسبب أغنية أو فيلم جديد لكن بسبب خبر انفصاله عن زوجته بسمة بوسيل.
تريند انفصال تامر حسنى عن زوجته بسمة بوسيل
انتشرت الأسبوع الماضى أنباء متضاربة عن انفصال النجم تامر حسنى عن زوجته بسمة بوسيل، بعد زواج دام أكثر من 8 سنوات، حيث ارتبط نجم الجيل بأم أبنائه، بعد قصة حب طويلة، وعلاقة شهدت الكثير من المنحنيات، حتى تكللت بالزواج، إلا أن العلاقة بين تامر وزوجته تمر بأزمة خرجت على السوشيال ميديا، وهو ما جعل تامر وبسمة يتصدوا التريند واستمر تصدر الثنائى بعدما ردت بسمة من خلال ستورى عبر حسابها على موقع إنستجرام إرسال رسالة لمتابعيها، قالت فيها: "قل لشاتمك ومغتابك والمفترى عليك، سبحان من سخرك لحمل سيئاتنا كما سخر البهائم لحمل متاعنا".
وهنا تدخلت المطربة أحلام وطلبت من تامر مصالحة زوجته، فوجه تامر حسنى رسالة عتاب لزوجته المغربية بسمة بوسيل على "إنستجرام": "بسمة حبيبتى للاسف انتى مفكرتيش كويس وسلمتى ودنك لشر السوشيال ميديا عشان كان تعليق كلامهم فارغ نسوكى انك عرفتينى وانا مشهور ودى طبيعة شغلى إلى عرفتينى عليها وحبيبتنى بيها، إزاى وصلوكى للزعل والبعد فترة.. المهم انا مش هزعل منك ولا يرضينى زعلك انتى حبيبتى وام ولادى.. انا ضهرك وسندك مهما حصل، بس اللى عايز اقوله لعل نكون سبب خير فى توعية ناس كتير".
وتابع :"ليه لما أى حد بيزعل من حد بيطلع يكتب عليه فى السوشيال ميدى طب حتى يكلمه الاول ايه علاقة الناس بعلاقة شخصية بين اتنين ممكن تتحل فى التليفون أو فى زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتى عرفى ان فى ناس فى طبيعتهم حب خراب البيوت ومش هنخلص منهم بس انتى اللى هتهلصى من فكرة انك تسمعيهم
وأضاف: "ياريتك تركزى مع طاقة الناس اللى دعولنا ودعوا لولادنا وفعلا انا بشكر كل الناس والفنانين اللى سعوا فى الخير لينا.. وانا واثق انك دلوقتى زعلانة انك كتبتى كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسى الكلام ده يكون بينا لكن انتى اشركتى الجمهور الكريم فكام لازم ارد هنا.. وبينا حب عالى وحياة كريمة وأولادنا وبيتنا أغلى ما فيها ربنا يخلينا ليهم ويخليهم لينا يارب.. متهورة بس بحبك"، ولم ينته التريند هنا بل تصدر تريند آخر (متهورة بس بحبك).
محمد رمضان يتصدر التريند بعد صورته مع مغنى اسرائيلى
ليأتى النجم محمد رمضان ليسحب التريند من بين يد تامر حسنى بعد حوالى ٥ أيام تصدر التريند بعدما انتشرت صورة له وهو برفقة مغن إسرائيلى فى احدى الحفلات بدبى، ومن بعدها عدد من الصور الأخرى من مشاهير من إسرائيل.
فيتصدر "نمبر وان" التريند خاصة بعد الانتقادات اللاذعة التى طالته، وهنا يقرر رمضان الرد بعد الساعات الأولى من تصدر التريند من خلال فيديو وهو يوقع لعدد من محبيه، وعلق رمضان على الفيديو بـ"مافيش مجال أسأل كل واحد عن هويته ولونه وجنسيته، قال تعالى (لكم دينكم ولى دين)"، لكن لم يحسم امر تلك الصورة بعد.
رضوى الشربينى تتصدر التريند بعد شائعة زواجها السرى
لتأتى المذيعة رضوى الشربينى وتشتبك بكل قوة وتحطم تريند تامر حسنى ومحمد رمضان بقصة زواجها السرى، فى حين أنها المذيعة المعروفة بمساندة المرأة والنضال من أجلها. بدأت القصة مساء السبت بعدما انتشرت عدد من الشائعات التى تزعم زواج المذيعة رضوى الشربينى، من رجل متزوج، وعلى عكس رد فعل رضوى الشربينى فى التعليق على الشائعات، حيث تحاول تجاهلها طوال الوقت، لكن رضوى قررت هذه المرة الرد على تلك الشائعة، من خلال لايف على صفحتها بالانستجرام لتوضح حقيقة الأمر، خاصة أن الشائعة ليست تخصها فقط، حيث قالت رضوى الشربينى "لاقيت إشاعة غريبة جداً ولأنها ما تخصنيش أنا لوحدى طالعة أتكلم، وده للمرة الثانية، وفى المرة الأولى طلع عليا إنى مرتبطة بمواطن مغربى اسماً وقولاً، واتقال إنى هتجوزه، ودلوقتى لسه طالعة من الاستديو بنفس المكياج طلعت إشاعة غريبة، مش عارفة اتقال ليه، أو يمكن عارفة اتقال ليه فى التوقيت ده بالذات، أنا بجحة كفاية أوى إن أى حاجة أعملها أطلع أقول إنى بعملها؛ لأن الجواز مش عيب وبقول كده فى برنامجى على طول اتجوزوا بس اختاروا صح".
وعن سبب ردها قالت: "طلعت رديت لأنى رد الحق للناس المحترمة واجب، ولأنى لاقيت وأنا جاية فى العربية بعض التعليقات اللى زى ما يكون الناس كانت مستنية أو ما بتصدق، أو أنا مش عارفة.. ليه لما يتقال عليها – الناس اللى بيطلق عليهم مشاهير- حاجة حلوة مش بتتصدق، ولما بيتقال حاجة مش كويسة، بتتصدق وتجرى كده، ربنا يهدى الجميع، ويهدى الشخص اللى فكر يكتب الكلمتين دول، بردو أنا مسامحاك لأنى عارفة أنت عامل كده ليه، وواخد من مين علشان تكتب كده، وحياة ربنا، وربنا ما تصدقوش كل حاجة بتتقال، ما تصدقوش كل إشاعة، ما تصدقوش كل كلمتين، علشان احنا بنى ادمين، وعندنا اهل وعيال بيضايقوا علينا، وسمعة، احنا يقال علينا مشاهير، بس بنزعل وعندنا ناس بتزعل عليها ربنا يهدى الجميع، دول كلمتين طلعت اقولهم فى حق ناس جزمتهم على راسى".
وأنهت كلامها بقولها: "لو رضوى الشربينى بتحب هتقول وهاخد رأيكوا زى ما خدتوا رأيى، زى ما بعمل من 4 أو 5 سنين".