أعلن المطرب الشاب محمد شاهين على صفحته الرسمية بموقع التواصل الاجتماعى "فيس بوك"، أنه كان يشعر بتعب وأعراض كورونا، لكن لم تكن كورونا، وقال: اللهم لك الحمد أنا كنت تعبان، وكنت حاسس إن عندى أعراض كورونا، ولكن الحمد لله والشكر لله أيضا دلوقتى أنا فى حالة مستقرة وزى الفل معنديش حاجة بشكرك يا رب على كل حاجة حلوة.
يذكر أن شاهين قد أجرى المسحة بعد عودته من دولة الإمارات، حيث كان يعمل هناك لفترة من الوقت، وعاد لمصر، وأصر على إجراء مسحة حفاظا على المقربين والأصدقاء.
وكان شاهين قد طرح أحدث أغانيه التى تحمل اسم "100 هزة" على طريقة الفيديو كليب، وهى من كلمات حسام سعيد وألحان أحمد أبو زيد وتوزيع زووم ومن إخراج عادل سرحان.
وتقول كلمات الأغنية:
الأرض اتهزت 100 هزه وانت معدى عليها قصادي
لفت بيا الدنيا ف لحظه واللى حصل فيا ده مش عادي
قولى منين جيتلى وفين رايح وياريت يا حبيبى تفهمني
موقف قلبى انا منك واضح طب ايه موقف قلبك مني
لو عايز وقت تفكر فيه أنا من إيدك دى لإيدك دي
بالى طويل جداً على فكره ومدام أنا قلبى شاورلى عليك
مش هرتاح غير لما أوصل ليك هتشوف بعينيك كل ده بُكره
ماتعودتش أضيّع فُرصه علشان ماضمنش تجيلى تاني
وأما بحب بجد لا بنسى ولا بسمح حتى بنسياني
يذكر أن محمد شاهين طرح فى رمضان الماضى، دعاءً دينيًّا بعنوان "صوت الأذان"، من كلمات سيد عزمى، وألحان وليد سامى، وتوزيع إسلام الحسن، ومن تصوير محمود بامبو.
