قالت الفنانة إلهام شاهين، كل مشاهد فيلم "حظر تجول" صعبة حتي التعبير عن المشاعر ومش قادرة اقول لبنتى اللى هى أمينة خليل إيه سبب قتلى لأبوها، وهو دور أم عمري ما قدمته قبل كده علي عكس الأم الحنونة اللى بقدمها.
وأضافت، خلال ندوة فيلم "حظر تجول" الذي يعرض في مهرجان القاهرة، المشهد الأخير اللي قالتلي في امينة خليل ماما، وانا اتاثر جدا بالمشهد وحتة الامومة بتاثر فيا بشكل خاص، ولقيت نفسي عملت حاجة عمري ما عملتها في السينما، وهي اني بوست ايد امينة خليل، وانا مبوستش ايد حد خالص قبل كده فى السينما.
وتابعت، لحظة لما أمينة قلتلى ماما مسكت ايديها و بوستها، لقتني حسيت انها بنتي وانا حكيت الموضوع ده لها، وبنت اختي الصغير الهام الوحيدة اللي بوست ايدها في الحقيقة لانها تقريبا بنتي.
وأستكملت، انا عمرب ما مسكت ايد امي وبوستها وبقيت زعلانة اني عمري ما عملت مع امي كده رغم اني كنت بعشقها عشق الاهي، وانا مش عارف ليه عملت كده مع أمينة خليل ولكن حسيت تجاهها بنسبة امومة كبيرة جدا.
.jpeg "ندوة الهام شاهين (1)")
ندوة الهام شاهين (1)
.jpeg "ندوة الهام شاهين (2)")
ندوة الهام شاهين (2)
.jpeg "ندوة الهام شاهين (3)")
ندوة الهام شاهين (3)
.jpeg "ندوة الهام شاهين (4)")
ندوة الهام شاهين (4)
.jpeg "ندوة الهام شاهين (5)")
ندوة الهام شاهين (5)