حل الملحن عزيز الشافعي والشاعر الغنائي تامر حسين ضيفا علي برنامج "كلمة أخيرة " مع الإعلامية لميس الحديدي علي قناة ontv، وكشف الثنائي عن سر التعاون بينهم من اكثر من أغنية حيث قال تامر " عزيز عنده ذوق معين في الفلكلور وانا بحب دا جدا وبدأنا بأغنية يوم تلات وكانت قرفتنا حلوة مع بعض " في حين قال عزيز " انا في الأساس بلحن وتامر من اهم الشعراء في الوطن العربي واحنا حبينا تعاون مع بعض عشان نطلع شكل جديد وأخيرهم أغنية " شكرا" لعمرو دياب "
- [ ] وعلي الهواء من خلال استضافة افتراضية غني الثنائي أغنية " شكرا" ، وعن الخلافات التي ثارت علي الأغنية حول إذا كانت من بداية أغنية رامي صبري او عمرو دياب فقال عزيز الشافعي " انا عمري ما اشتغلت مع مغني علي أغنية وروحت ادتها لحد تاني ولو هو مش عاوز يشتغل معايا هو نجم كبير وانا وتامر سهمنا في نجاحه بس الكلام اللي قاله رامي مش صحيح "
في حين قال تامر حسين " انا اخجل اني اقول ان رامي كان يسعي وراء التريند ليه بندخل عمرو دياب في اي كلام بس الحركة دي عيب اوي لانه اتهام بالباطل ، دا تغير اول ما المطرب بياخد قرار في أغنية لازم يكون في عقد ودا محصلش وهو غلط ولغاية اللقاء دا هو عمال يعتذر أمام أصدقاء مشتركين بينا وانا برفع من عليه الحرج ومش عاوز اعتذار في العلن بس ياريت دا ميحصلش تاني"
وكشف تامر حسين ان أغنية "شكرا" لا تخص علاقة عمرو دياب ودينا الشربيني قائلا " الأغنية تخصني وانا كنت عاملها عشان اقول لكل حد بيصدر طاقة سلبية في حياتي اطلع منها "
