طرح المطرب الشاب عبده سليم أحدث أغانيه بعنوان "أنا اتربيت"، من ألحانه، وكلمات محمد الجمال، وتوزيع طه الحكيم، مكس وماستر محمد جودة، إشراف فنى حسام الخضرى.
وتقول كلمات الأغنية :"أنا اتربيت فى بيت الخطوة فيه بحساب
أبويا مكنش عامل فيس ولا واتساب، وحضنه بيبقى ده الإعجاب..
ولما أنجح يجيبلى كتاب، مكنش ساعتها موجود تاب
.jpeg "عبده سليم (1)")
خلاص الكل بقى مشغول يكون في العون، وعامل إيه بقت برسالة عالتليفون،
ده شكله نظام وساد الكون، وعشرة عمرليه بتهون، وصاحب حتى مش مضمون.
فين البيت اللى كان مليان بيشغى ضيوف، فين الناس والجيران والود والمعروف،
وأيام المدرسة الصبح لما كنا نقوم ، ويوم ناخد ويوم منخدش فيه مصروف.
كان الموجود يكفى إن شاء لله لقمة وحاف، وكنت أما أعمل الغلطة من أبويا بخاف،
وحشنى هزارى ويا إخواتى زى زمان
.jpeg "عبده سليم (2)")
وحضن أمى اللى كان ف البرد أحلى لحاف.
وجوه البيت مفيش موضوع نفكر فيه،
وكل واحد ماسكلى جهاز وباصص فيه،
ومبيسمعش صوتك لو ندهت عليه
ويسمع مين وهوه حاططلى هاند فرى
وحشنى بشكل ريحة الأكل لما بجوع
وفرحه أبويا لما أنجح واجيب مجموع
ولعب الكورة ويا أصحابى تحت البيت
ودق الهون ونسمع عند جارنا سبوع
.jpeg "عبده سليم (3)")
ياعالم إيه هيحصل واللى جاى قدام
ومش ضد إننا نطور ونبقى تمام
صحيح التكنولوجيا مفيدة للإنسان
لكن فيه كتير بيعملها بسوء استخدام
كفيلة الكلمه تبنى أو تهد عقول
وكل واحد بيتصرف أكيد مسئول
مقولتش لا بلاش منها وعمرى ماقول
لكن يا إخوانا نستخدمها بالمعقول
.jpeg "عبده سليم (4)")
عبده سليم (4)