هنأ المنتج محمد عبد العزيز، ابن الفنان الراحل محمود عبد العزيز والده بمناسبة عيد مولده، وكتب «عبد العزيز» عبر حسابه الشخصى بموقع «إنستجرام»: «يوم ٤-٦-١٩٤٦ هو يوم عيد ميلاد حضرتك، وزى كل سنة لازم أكون أول واحد يقول لحضرتك كل سنة و حضرتك طيب وبخير يا حاج، كان نفسى أكون جنبك وأبوس راسك زى ما دايما بعمل، ياريته كان بإيدى".
وأضاف "أنا متأكد إن حضرتك إن شاء الله فى أحسن حال، يا رب أكون عند حسن ظن حضرتك ويا رب تكون راضى عنى و يا رب تكون الهدايا بتاعتى بتوصل لحضرتك، وربنا يقدّرنى انى أكون سبب يخلى حضرتك فرحان ومبسوط فى مكانك الطاهر النضيف. مش قادر أقول لحضرتك وحشتنى علشان والله العظيم اللى أنا حاسس بيه أكبر من كده بكتير لدرجة إنى مش لاقي له وصف، حتى كلمة بحبك بقا الإحساس اللى جوايا لحضرتك أكبر منها بكتير أوى. اللى مصبرنى إنى متأكد إن حضرتك فى مكان أحسن بكتير من اللى إحنا فيه، كل سنة وحضرتك طيب وإن شاء الله نتقابل قريب وأتمنى يوم ماجيلك يكون مكانى جنب حضرتك. (لا إله إلا الله سيدنا محمد رسول الله)".
وطالب محمد من متابعيه على "إنستجرام"، مشاركته في الدعاء لوالده الفنان الراحل محمود عبد العزيز، قائلاً "أتمنى أن تشاركوني فى إرسال هديتى لوالدى العزيز الغالى بالدعاء له والترحم عليه، لكم منى جزيل الشكر.
(أسألكم الفاتحة و الدعاء لأبويا و لأمواتنا جميعا)".
محمد عبد العزيز